(no subject)
Другие записи: треки для игры | Дима Билан без одежды | День 2010.10.05, Точное время 16:47:00 | Про революцию
Дзе крыўляліся золатам іх купалы,
Воку чыстаму засціўшы зрок, -
Там цяпер каласамі рунеюць палі
І крынічка струменіць знарок.
Дзе цагліны драпежна маўчалі сцяной,
Дзе бруяла з-пад брукаў крывёй -
Там жалезам арана, і новай цаной
Месца сплочана на крапіўё.
Дзе цягаліся хіжа туды і сюды
Тыя, людам каго не назваць, -
Там із яблыняў дзікіх квітнеюць сады,
Салаўі пачынаюць пяяць.
Калі раптам там бор запяе пра вайну,
Мы падхопім паданнем баёў.
І прыпомнім, як вецер павекаў крануў
І найлепшых забраў да багоў.
Пазнавалі па мытай дажджамі касці.
І спазналі - хто свой, хто ня свой.
Гэта мы былі, хто намаліў не згасіць
Ад маланкі пажар над Масквой.
28/Х - 07 г.