Cycling for libraries 2012, Day 8
ДЗЕНЬ VIII. 04.08 Otepää-Elva-Ülenurme-Tartu
фота Andrey Leutin
Праехаўшы з палову вызначанай дыстанцыі, мы апынуліся ў Эльве. Сустрэліся там з мэрам і зазірнулі ў гарадскую бібліятэку, якая аб'ядноўвае пад адным дахам дзіцячы, школьны і дарослы сектары, лекцыйную залу і прастору для выставаў.
фота Corina Ciuraru
Перад абедам паспелі крыху агледзець наваколле.
2.фота Sonia D. Kirkaldy Nielsen
На сваім далейшым шляху нам давялося пераадолець перашкоду ў выглядзе выезду на вялікую ажыўленую трасу, а пасля яшчэ і пераход праз чыгунку.
фота Andrey Leutin
Затое каля гарадской бібліятэкі Юленурмэ нас ізноўку вітала афіцыйная дэлегацыя.
3,4 фота Andrey Leutin
Трэба адзначыць, абедзве наведаныя намі сёння бібліятэкі былі вельмі ўтульнымі і камфортнымі для працы.
За дзень накаталі 62 км і даволі рана прыехалі ў Тарту, дзе адразу ж засяліліся ў студэнцкі інтэрнат з вясёленькімі пакойчыкамі.
2.фота Andrey Leutin
А ўвечары зладзілі невялікі семінар, дзе кожны мог выказацца па любой хвалюючай бібліятэчнай тэме. Узгадвалі, да прыкладу, праблемы адкрытага доступу да навуковых публікацый і аховы аўтарскага права, неабходнасць утварэння кансорцыумаў для падпіскі на перыёдыку і БД, якасць прадукцыі універсітэцкіх выдавецтваў, недахопы палітыкі выдавецтваў і магчымасці бібліятэчнага маркетынгу. Асабіста мне цікава было даведацца аб такіх праектах і праграмах, як Readcycling, Open archieve, Public Lending Right, Deutschland-Online, Creative Commons licenses і некаторых іншых.
А пасля мы пайшлі гуляць па горадзе. І выпадкова патрапілі на канцэрт міжнароднага фэсту духавых аркестраў “Mürtsub pill”, што праходзіў на сцэне каля ратушы. Гэта быў нечаканы і вельмі прыемны дадатак да нашай культурнай праграмы :)
фота Andrey Leutin
відэасправаздача Cycling for libraries 2012, Day 8