Skribis satano

[estunto]

Hieraŭ, semajnon antaŭ kristnasko, mi ricevis registritan leteron kun fatala enhavo. Temas pri malnova afero, kiu imprese montras, kiom teruras la socialaj leĝoj kaj burokratio en mia lando. Mi tion mencias, por ke oni komprenu, kial mavas mia psika stato, kaj kial mi eble skribos malpli, ol kiom mi alie ŝatus.

Comments

[n0mad0]

Mi povas rememori ununuran kazon, je kiu interrilatoj kun la ŝtato donis plezuron kaj bonan humoron: kiam oni donis la dokumenton, konfirmintan ke mi rajtas ne militservi.

[estunto]

Ĉu pro sanecaj kialoj aŭ por fari anstataŭan servon? Mi ankaŭ la militservon ne povis eviti. Mi ne sciintus kielon, eĉ se estintus kialo aŭ eblo. Mi do teorie servis ŝtaton, kiu ree kaj ree kaj ree humiligas, senrajtigas kaj endanĝerigas min. Mi vere ŝatus klarigi al vi kaj la mondo la tutan aferon, ĉar suferi tiom sen paroli ne facilas!

[n0mad0]

Ĝi estis siaspeca anstataŭa servo. Por eviti rekrutadon en nian ruĝstandardan armeon mi laboris kiel instruisto en kampara lernejo. Tio ĉi estis ne tro agrabla sed sufiĉe interesa periodo de la vivo.

>Mi vere ŝatus klarigi al vi kaj la mondo la tutan aferon, ĉar suferi tiom sen paroli ne facilas!
Neniu devas (soll) klarigi ion al la mondo, se ri ne deziras. Tamen nuntempa mizera nombro de esperantistaro donas bonegan eblecon paroli ion ajn al ĉiuj kaj samtempe preskaŭ la neniu. Antaŭ ĉio temas pri tiklaj aferoj kaj opinioj malkonformismaj al komunaj opinioj. Tio eĉ iomete amuzigas.

[estunto]

Eblas tamen, ke malamiko legas. Eĉ se ri estas fuŝanto, ri povus tro kompreni. Eble mi suferas je paranojo, sed kiom normalus ne suferi je ĝi, se oni vere persekutiĝas? La aktuala malamiko tamen verŝajne estas idioto tute ne interesata de artefarita lingvo, kaj ri obsedate hatas min ankaŭ sen legi miajn komentojn. Tiu ria letero vere estas minaca! Ĝi al mi donas nur du semajnojn por fari ion apenaŭ fareblan kaj ne necesan. En kazo de rifuzo oni senigos min je mia lasta eblo pluvivi. La ĉantaĝo laŭdire rezultas el "rutina kontrolo", ĝuste nun, kiam pro multaj festotagoj malfacilas kontraŭagi. Antaŭ kelkaj jaroj la sama instanco pri la sama postulo rezignis, mi sekve malricevis multan monon, kaj mi ne rajtas ŝpari...