MiaVivo

[n0mad0]

Foje post iom da meditado mi ekkonsciis, ke post la momento, kiam mi lanĉis la blogon en LJ, preterpasis preskaŭ 13 jaroj. En tiu glora tempo la lando estis alia, Putin estis preskaŭ juna kaj la blogejo ŝajnis esperdona de esperantista vidpunkto - ĉi tie kontribuis diversaj aktivuloj kaj eĉ agadis teamo celinta esperantigi la interfacon. La

Comments

[vmel]

Tviteron mi ne uzas - la kaŭzojn vi diris mem.
En "miavivo" mi umas delonge, eĉ se ne aktive. Mi tie sendis al vi amikiĝpeton.

[n0mad0]

Mi ĝis la momento subtaksis Tviteron, sed nun mi vidas, ke ĝi donas interesajn eblecojn.

Mi akceptis vian amikiĝpeton.

[vmel]

Jes, mi jam vidis.

[mevamevo]

Mi persone ege dubas, ke etaj poresperantistaj sociaj retejoj havas ŝancon por pluvivi (jam forfalis Ĝangalo, jam forfalis Iperity, jam forflalis Amikumu). Mi do restas ĉe la "tradiciaj" grandaj retejoj.

LMMO, la "amika rondo" prefere lernu kunlabori per la jam ekzistantaj rimedoj anstataŭ krei iujn proprajn.

[vmel]

Ipernity ja ne estas "poresperantista" kaj forfalis pro aliaj kaŭzoj.
FB havas multajn grupojn en E-o, sed tie ne eblas trovi ion malnovan, kaj estas tute frenezaj administrantoj.
VK tolereblas, LJ por mi tre oportunas.

[mevamevo]

> Ipernity ja ne estas "poresperantista"
Jes ja, sed ĝi siatempe estis treege propagandata kaj popularigata kiel E-amika retejo. Multaj valoraj kontribuoj malaperis tie...

> FB...
Mi persone vomemas ĉiuokaze, kiam mi vizitas ĝin. Laŭ mi, ĝi estas egege maloportuna por la uzado. I.a., mi ja vidis vian gratulon tie, dankon!

> VK tolereblas, LJ por mi tre oportunas.
VĴ (VivĴurnalo) estas, laŭ mi, la plej oportuna retejo "por saĝaj homoj kaj por saĝaj tekstoj". Bedaŭrindas, ke sur la kontintenta parto de Ukrainio oni duondecidis forbari ĝin (ŝajnas, ke la alarmo estis nur falsa, sed oni ja komprenas, ke la rusia retpaĝaro estas forbarebla iam ajn).

[vmel]

Nu jes, VĴ estas "por saĝaj homoj kaj por saĝaj tekstoj".
Saĝaj homoj scias uzi anonimigilojn.
Malsaĝajn oni ĉi tie (samkiel en E-o) ne bezonas...

[estunto]

Ĉu penindas ŝanĝi sian skribejon tiom mallonge antaŭ la fina malvenko kaj la pereo de l' mondo? Bravaj Idistoj kiel mi supozeble ne bonvenas en MiaVivo. Pli utilus al vi ŝanĝi la lingvon anstataŭ kroĉiĝi al rompaĵo de l' verda fantomŝipaĉo.

[n0mad0]

La pereo de la mondo ja estas la supoza evento. Se mi certus pri ĝi, do anstataŭ pensi pri nova blogejo kaj aliaj bagateloj mi nepre vizitus bankon por peti pri granda kredito.

Laŭ mia memoro en "MiaVivo" estas la grupo por idistoj. Almenaŭ la grupo por alternativaj lingvaj projektoj certe ekzistas.

Eble la verda ŝipo ne tiom luksas kiel "Titanic" aŭ "Hindenburg", sed ĝi almenaŭ iel moviĝas. La aliajn mi komparus kun submarŝipoj de kapitano Nemo. Ĉu ili ekzistas entute?

[estunto]

Pli longe naĝas nevidebla, alte rafinita submarŝipo kun eta sed bonkvalifikita kaj motivita anaro ol putra, truoza kutro plenega de vanaj, fermitkapaj kverelistoj sen supozo pri l' nocio lingvo. Se entute temas pri kutro, ne vermborita nuksoŝelo. Mi eĉ ne vidas ĝin moviĝi ien ajn ol nur funden por roli kiel artefarita koralrifo. Nu, se vi nepre ambicias karieron kiel nutraĵo por fiŝoj...

[n0mad0]

Kio estas la celo de la vojaĝo? Kien ja naĝas ĉi luksa submarŝipo sub blua standardo? Pro kio kaŝe kaj koboldmaniere klopodas la diligenta kolegaro? Ĉu eble ĝi ŝlifas laborlingvon de ZOG?