* * *

[pani_teklia]

Разбірала фотаздымкі за мінулы год. Дайшла да травеньскіх. Зразумела: усё, зімы я больш не хачу. Адзін месяц - самае тое. А тут яшчэ каталог насення прыслалі. Ручкі засвярбелі адразу )))

Comments

[yozas_gubka]

я зіму не хачу ад таго моманта калі на працу пачынаеш уставаць па цемры:)

[pani_teklia]

Так, і святла ўжо болей хочацца.

[rannica]

Толькі сёння думала аб гэтым, калі шла да сяброўкі! Шла і распавядала Агаце, што вось, на двары студзень, а бы вясной надвор'е (бо так і ёсць). Падумала, што не хачу болей зімы і маразоў :)

[pani_teklia]

Няхай бы ўжо і не было іх! )))

[veragodna]

А дзе Вы заказваеце? Кіньце спасылачку :).

[pani_teklia]

Я цяпер ужо не заказваю. Каталагі яшчэ шлюць па старой памяці. Раней у "АПД" заказвала, але ў апошнія гады перасталі задавальняць якасць іх насення і узровень абслугоўвання. Цяпер каталаг прыслалі з "Долины растений", але, вывучыўшы яго ўздоўж і ўпоперак, так і не знайшла інфармацыі аб тым, хто вытворца. Хаця на сайце сцвярджаецца, што яны працуюць з "вядомымі вытворцамі Еўропы".

Ужо гады тры хаджу па крамах і рынках і выбіраю насенне самастойна (і ў гэтым, бясспрэчна, маецца асаблівае задавальненне). :) Прычым гародніна і зеляніна, па маіх назіраннях, лепшыя ў "Сортсемовоща", кветкі - і ў іх, і ў "АПД" нічога бываюць, а яшчэ расійскія ці польскія.

Спасылкі на сайты згаданых фірмаў вось:
"Долина растений"
"Сортсемовощ"
Сайта "АПД" я чамусьці не знайшла (мне здаецца, што ён быў), але вось іхняя старонка на oz.by