Вільня і Мінск

[thorwin]

У Вільні снег, у Вільні цішыня.
У Вільні ўтульна і выдатна спіцца.
Мне Беларусь заўсёды ў Вільні сніцца -
Заможная, свабодная, мая…

У Мінску дождж. У Мінску мітусня.
У Мінску тлумна і няма спакою.
Тут не знаходзіш згоды сам з сабою.
Ды толькі ў Мінску - на Радзіме я.

Адам Глобус

Comments

[ve4nyj_rebenok]

Знаю: любая дарога вядзе ў бездарожжа,
Ды прамінаю агні і паўстанкаў, і станцый...

Толькі таму, хто нідзе заставацца не можа,
Лёс дазваляе
аднойчы
дзе-небудзь
застацца.

Някляеў