Тропари и кондаки еллинстии. Март полностью. Источник: - Ωρολογιον το μεγα. Αθηνα.
8 (21).
Ин тропарь преподобнаго Феофилакта, еп. Никомидийскаго исповедника. Глас 3.
Страж неусы́пный Це́ркве/ и нече́стия очище́ние,/ иера́рше Феофила́кте, яви́лся еси́./ Христо́в бо о́браз почита́я,/ изгна́ния и ско́рби претерпе́в./ О́тче преподо́бне,/ Христа́ Бо́га моли́// дарова́ти нам ве́лию милость.
Кондак. Глас 2.
Я́ко правосла́вия побо́рника несокруши́маго/ и кре́пкаго злове́рия посрами́теля,/ восхва́лим и возопии́м тебе́,/ священнотаи́нниче Феофила́кте:/ От вся́каго вре́да сохрани́ ве́рою пра́зднующих па́мять твою́,// моля́ спасти́ ду́ши на́ша.
9 (22).
Тропарь святых мучеников четыредесяти. Глас 3.
Боже́ственным ду́хом совокупле́ни, сонм яви́стеся победоно́сный, стастоте́рпцы Христо́вы четы́редесять. Огне́м бо и водо́ю, сла́внии, искуше́ни бы́вше, све́тло просла́вистеся. Но моли́те Тро́ицу Пресу́щетвенную дарова́ти нам ве́лию ми́лость.
10 (23).
Тропарь святаго мученика Кодрата, иже в Коринфе, и дружины его. Глас 1.
Шесточи́сленный лик страстоте́рпцев Христо́вых/ да восхва́лится благоче́стно пе́сненными сладкопе́ньми:/ Кодра́т и Ане́кт, Па́вел и Диони́сий,/ и с Криске́нтом Киприа́н богому́дрый./ Тро́ицу бо непреста́нно// мо́лят о душа́х на́ших.
Кондак, глас 4.
Я́ко свети́льник шестисве́тлый,/ в Кори́нфе терпели́вно пострада́вше,/ яви́стеся му́ченицы му́дрии,/ световодя́ще непреста́нно благода́тию// Це́ркве исполне́ние.
11/24
Тропарь свт. Софрония Иерусалимскаго, глас 4.
Целому́дренно житие́ свое́ проводя́ измла́да,/ Ду́ха благода́ть восприя́л еси́ я́ве, Софро́ние всему́дре./ Те́мже священнонача́лия луча́ми просия́в,/ яви́лся еси́ благоче́стия благосла́вный проро́к.// И ны́не моли́, преподо́бне, о чту́щих тя.
Кондак. Глас 4.
Дохнове́нием Ду́ха освяще́н/, иера́рше преподо́бне,/ я́ко апо́столом подража́тель в Сио́не был еси́,/ о́тче всеблаже́нне,// Софро́ние всему́дре.
12 (25).
Тропарь святителя Григория, папы Римскаго, Двоеслова. Глас 3.
Уста́ бо́дренная стяжа́в,/ па́стырь изря́дный сло́ва Бо́жия показа́лся еси́, иера́рше Григо́рие./ Доброде́телей бо изъяви́тель быв,/ пра́вды явля́еши осия́ние. О́тче преподо́бне, Христа́ Бо́га моли́ дарова́ти нам ве́лию ми́лость.
14 (27).
Тропарь преподобнаго Венедикта. Глас 1.
Тезоиме́ннаго зва́ния и́стину/ по́стническими по́двиги яви́л еси́, богоно́се Венеди́кте./ Сын бо благослове́ния процве́т,/ началообра́зное и пра́вило был еси́/ любо́вию подража́ющим житие́ твое́,/ и единогла́сно зову́щим:/ Сла́ва Да́вшему ти кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.
16 (29).
Тропарь преподобнаго Христодула, иже в Патмосе. Глас 1.
Нике́и се́мя и Па́тмоса побо́рника,/ и мона́хов сла́ву, богоно́снаго Христоду́ла почти́м/ пе́сньми, бра́тие, к моще́м его припа́дающе,/ да прии́мем исцеле́ние душа́м и телесе́м, зову́ще: / Сла́ва Да́вшему ти кре́пость,/ сла́ва Венчавшему тя,// сла́ва Де́йствующему тобо́ю всем исцеле́ния.
Кондак. Глас 4.
Честны́я мо́щи твоя́,/ я́ко врачева́ние безме́здное стяжа́вше,/ неду́гов мно́гих и скорбе́й/
избавля́емся, зову́ще:// Ра́дуйся, отце́в сла́во, Христоду́ле.
17 (30).
Тропарь преподобнаго Алексия, человека Божия. Глас 4.
От ко́рене прозя́бл еси́ имени́таго и сла́внаго,/ от гра́да процве́л еси́ ца́рскаго и све́тлаго,/ Алекси́е всему́дре./ Вся бо презре́л еси́, я́ко тле́нная и теку́щая./ Потща́лся еси́ сочета́тися Христу́ и Влады́це./ Того́ у́бо моли́// при́сно о душа́х на́ших.
18 (31).
Тропарь иже во святых отца нашего Кирилла архиепископа Иерусалимскаго, глас 3.
Во оде́жду боже́ственную обле́кся,/ столп всесве́тел веры яви́лся еси́,/ апостолов на Сио́не благода́ть насле́дствовав./ Те́мже просия́л еси́ благоче́стия уче́ньми/ и ве́рно стяжа́л еси́ му́дрости тала́нт./ И ны́не о нас моли́,// Кири́лле о́тче иера́рше.
19 марта (1 апр.).
Тропарь святых мученик Хрисанфа и Дарии. Глас 1.
Единоду́шное сопряже́ние му́ченик почти́м,/ Хриса́нфа, цвет чистоты́ и Да́рию всечестну́ю./ Ве́рою соедини́вшеся бо че́стно,/ яви́шася Сло́ва о́бщницы,/ пострада́вше за Него́ зако́нно,/ и спаса́ют пою́щия:/ Сла́ва Укре́пльшему вы,/ сла́ва Венча́вшему,// сла́ва Де́йствующему ва́ми всем исцеле́ния.
Кондак. Глас 1.
Я́ко крин златоза́рный,/ воню́ благоче́стия облагоуха́в оби́льно,/ Хриса́нфе страстоте́рпче,/ к ве́дению боже́ственному Да́рию привле́кл еси́,/ с не́юже пострада́л еси́,/ и началозло́бнаго зми́я победи́в,// к нетле́нным черто́гом досто́йно взя́стеся.
24 марта (6 апр.)
Тропарь предпразднества Благовещения. Глас 4.
[Вар. существующего]
Днесь всеми́рныя ра́дости начатки/ ра́дованием предпра́зднуим./ Се бо Гаврии́л Де́ве явля́ется,/ нося́ благове́стие ку́пно и стра́хом и чу́дом:// Ра́дуйся, Благода́тная, Госпо́дь с Тобо́ю.
25 марта (7 апр.).
Кондак ин Благовещения. Глас 8. [Самогласен.]
Единосу́щнаго Отцу́ и Боже́ственному Ду́ху, Сы́на и Сло́во Бо́жие, Чи́стая, зачала́ еси́ Ду́ха наше́ствием Всесвята́го, на возсозда́ние челове́ческаго ро́да, Пренепоро́чная, Арха́нгелу ти гла́сом мiрора́достным возопи́вшу: Ра́дуйся, Неве́сто Неневе́стная.
26 марта (8 апр.).
Тропарь ин Собору Архангела Гавриила. Глас 4.
Тезоиме́нием сообра́зным сия́я,/ слу́жиши Сло́ва воплоще́нию,/ я́ко воево́да безпло́тных чино́в./ Те́мже благовествовал еси Де́ве Мари́и,/ ра́дуйся возглаша́я Той, Бо́га бо зачне́ши./ Его́же умоли́ спасти́ся нам, пою́щим тя,// Гаврии́ле Арха́нгеле.
30 марта ( 12 апр.).
Тропарь преподобнаго Иоанна Лествичника, глас 3.
Боже́ственную ле́ствицу для всех утверди́в,/ слове́с твои́х худо́жество,/ мона́шествующим наста́вник показа́лся еси́,/ от дея́ний, Иоа́нне, очище́ния, к созерца́ния возводя́й осия́нию./ О́тче преподо́бне,/ Христа́ Бо́га моли́// дарова́ти нам ве́лию ми́лость.
Кондак. Глас 1.
Плоды́ присноживо́тныя/ от кни́ги своея принося́ уче́ния, му́дре, / сердца́ услажда́еши тем с трезве́нием внима́ющих, блаже́нне./ Ле́ствица бо есть, ду́ши возводя́щи от земны́х к небе́сней/ и пребыва́ющей сла́ве// ве́рою чту́щия тя.
Ин тропарь преподобнаго Феофилакта, еп. Никомидийскаго исповедника. Глас 3.
Страж неусы́пный Це́ркве/ и нече́стия очище́ние,/ иера́рше Феофила́кте, яви́лся еси́./ Христо́в бо о́браз почита́я,/ изгна́ния и ско́рби претерпе́в./ О́тче преподо́бне,/ Христа́ Бо́га моли́// дарова́ти нам ве́лию милость.
Кондак. Глас 2.
Я́ко правосла́вия побо́рника несокруши́маго/ и кре́пкаго злове́рия посрами́теля,/ восхва́лим и возопии́м тебе́,/ священнотаи́нниче Феофила́кте:/ От вся́каго вре́да сохрани́ ве́рою пра́зднующих па́мять твою́,// моля́ спасти́ ду́ши на́ша.
9 (22).
Тропарь святых мучеников четыредесяти. Глас 3.
Боже́ственным ду́хом совокупле́ни, сонм яви́стеся победоно́сный, стастоте́рпцы Христо́вы четы́редесять. Огне́м бо и водо́ю, сла́внии, искуше́ни бы́вше, све́тло просла́вистеся. Но моли́те Тро́ицу Пресу́щетвенную дарова́ти нам ве́лию ми́лость.
10 (23).
Тропарь святаго мученика Кодрата, иже в Коринфе, и дружины его. Глас 1.
Шесточи́сленный лик страстоте́рпцев Христо́вых/ да восхва́лится благоче́стно пе́сненными сладкопе́ньми:/ Кодра́т и Ане́кт, Па́вел и Диони́сий,/ и с Криске́нтом Киприа́н богому́дрый./ Тро́ицу бо непреста́нно// мо́лят о душа́х на́ших.
Кондак, глас 4.
Я́ко свети́льник шестисве́тлый,/ в Кори́нфе терпели́вно пострада́вше,/ яви́стеся му́ченицы му́дрии,/ световодя́ще непреста́нно благода́тию// Це́ркве исполне́ние.
11/24
Тропарь свт. Софрония Иерусалимскаго, глас 4.
Целому́дренно житие́ свое́ проводя́ измла́да,/ Ду́ха благода́ть восприя́л еси́ я́ве, Софро́ние всему́дре./ Те́мже священнонача́лия луча́ми просия́в,/ яви́лся еси́ благоче́стия благосла́вный проро́к.// И ны́не моли́, преподо́бне, о чту́щих тя.
Кондак. Глас 4.
Дохнове́нием Ду́ха освяще́н/, иера́рше преподо́бне,/ я́ко апо́столом подража́тель в Сио́не был еси́,/ о́тче всеблаже́нне,// Софро́ние всему́дре.
12 (25).
Тропарь святителя Григория, папы Римскаго, Двоеслова. Глас 3.
Уста́ бо́дренная стяжа́в,/ па́стырь изря́дный сло́ва Бо́жия показа́лся еси́, иера́рше Григо́рие./ Доброде́телей бо изъяви́тель быв,/ пра́вды явля́еши осия́ние. О́тче преподо́бне, Христа́ Бо́га моли́ дарова́ти нам ве́лию ми́лость.
14 (27).
Тропарь преподобнаго Венедикта. Глас 1.
Тезоиме́ннаго зва́ния и́стину/ по́стническими по́двиги яви́л еси́, богоно́се Венеди́кте./ Сын бо благослове́ния процве́т,/ началообра́зное и пра́вило был еси́/ любо́вию подража́ющим житие́ твое́,/ и единогла́сно зову́щим:/ Сла́ва Да́вшему ти кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.
16 (29).
Тропарь преподобнаго Христодула, иже в Патмосе. Глас 1.
Нике́и се́мя и Па́тмоса побо́рника,/ и мона́хов сла́ву, богоно́снаго Христоду́ла почти́м/ пе́сньми, бра́тие, к моще́м его припа́дающе,/ да прии́мем исцеле́ние душа́м и телесе́м, зову́ще: / Сла́ва Да́вшему ти кре́пость,/ сла́ва Венчавшему тя,// сла́ва Де́йствующему тобо́ю всем исцеле́ния.
Кондак. Глас 4.
Честны́я мо́щи твоя́,/ я́ко врачева́ние безме́здное стяжа́вше,/ неду́гов мно́гих и скорбе́й/
избавля́емся, зову́ще:// Ра́дуйся, отце́в сла́во, Христоду́ле.
17 (30).
Тропарь преподобнаго Алексия, человека Божия. Глас 4.
От ко́рене прозя́бл еси́ имени́таго и сла́внаго,/ от гра́да процве́л еси́ ца́рскаго и све́тлаго,/ Алекси́е всему́дре./ Вся бо презре́л еси́, я́ко тле́нная и теку́щая./ Потща́лся еси́ сочета́тися Христу́ и Влады́це./ Того́ у́бо моли́// при́сно о душа́х на́ших.
18 (31).
Тропарь иже во святых отца нашего Кирилла архиепископа Иерусалимскаго, глас 3.
Во оде́жду боже́ственную обле́кся,/ столп всесве́тел веры яви́лся еси́,/ апостолов на Сио́не благода́ть насле́дствовав./ Те́мже просия́л еси́ благоче́стия уче́ньми/ и ве́рно стяжа́л еси́ му́дрости тала́нт./ И ны́не о нас моли́,// Кири́лле о́тче иера́рше.
19 марта (1 апр.).
Тропарь святых мученик Хрисанфа и Дарии. Глас 1.
Единоду́шное сопряже́ние му́ченик почти́м,/ Хриса́нфа, цвет чистоты́ и Да́рию всечестну́ю./ Ве́рою соедини́вшеся бо че́стно,/ яви́шася Сло́ва о́бщницы,/ пострада́вше за Него́ зако́нно,/ и спаса́ют пою́щия:/ Сла́ва Укре́пльшему вы,/ сла́ва Венча́вшему,// сла́ва Де́йствующему ва́ми всем исцеле́ния.
Кондак. Глас 1.
Я́ко крин златоза́рный,/ воню́ благоче́стия облагоуха́в оби́льно,/ Хриса́нфе страстоте́рпче,/ к ве́дению боже́ственному Да́рию привле́кл еси́,/ с не́юже пострада́л еси́,/ и началозло́бнаго зми́я победи́в,// к нетле́нным черто́гом досто́йно взя́стеся.
24 марта (6 апр.)
Тропарь предпразднества Благовещения. Глас 4.
[Вар. существующего]
Днесь всеми́рныя ра́дости начатки/ ра́дованием предпра́зднуим./ Се бо Гаврии́л Де́ве явля́ется,/ нося́ благове́стие ку́пно и стра́хом и чу́дом:// Ра́дуйся, Благода́тная, Госпо́дь с Тобо́ю.
25 марта (7 апр.).
Кондак ин Благовещения. Глас 8. [Самогласен.]
Единосу́щнаго Отцу́ и Боже́ственному Ду́ху, Сы́на и Сло́во Бо́жие, Чи́стая, зачала́ еси́ Ду́ха наше́ствием Всесвята́го, на возсозда́ние челове́ческаго ро́да, Пренепоро́чная, Арха́нгелу ти гла́сом мiрора́достным возопи́вшу: Ра́дуйся, Неве́сто Неневе́стная.
26 марта (8 апр.).
Тропарь ин Собору Архангела Гавриила. Глас 4.
Тезоиме́нием сообра́зным сия́я,/ слу́жиши Сло́ва воплоще́нию,/ я́ко воево́да безпло́тных чино́в./ Те́мже благовествовал еси Де́ве Мари́и,/ ра́дуйся возглаша́я Той, Бо́га бо зачне́ши./ Его́же умоли́ спасти́ся нам, пою́щим тя,// Гаврии́ле Арха́нгеле.
30 марта ( 12 апр.).
Тропарь преподобнаго Иоанна Лествичника, глас 3.
Боже́ственную ле́ствицу для всех утверди́в,/ слове́с твои́х худо́жество,/ мона́шествующим наста́вник показа́лся еси́,/ от дея́ний, Иоа́нне, очище́ния, к созерца́ния возводя́й осия́нию./ О́тче преподо́бне,/ Христа́ Бо́га моли́// дарова́ти нам ве́лию ми́лость.
Кондак. Глас 1.
Плоды́ присноживо́тныя/ от кни́ги своея принося́ уче́ния, му́дре, / сердца́ услажда́еши тем с трезве́нием внима́ющих, блаже́нне./ Ле́ствица бо есть, ду́ши возводя́щи от земны́х к небе́сней/ и пребыва́ющей сла́ве// ве́рою чту́щия тя.