Тропари и кондаки еллинстии. Маий 1 - 10 (14 - 23). Редактировано 20. 05.
1 (14)а
Тропарь пророка Иеремии. Глас 1.
От чре́ва ма́терня освяти́лся еси́ Провиде́нием Сотво́ршаго,/ и проро́ческаго испо́лнился еси́ от пеле́н ра́зума,/ рыда́л еси́ над паде́нием Изра́иля,/ му́дре Иереми́е, любо́вию./ Сего́ ра́ди, я́ко проро́ка и страда́льца почита́ем тя, зову́ще:/Сла́ва просла́вльшему тя Христу́,/ сла́ва венча́вшему тя,// сла́ва подаю́щему тобо́ю нам лу́чшая.
Кондак. Глас 8.
Я́ко от чре́ва богоприя́тен и сострада́ния испо́лнь,/ о наро́да* твоего́ отпаде́нии пла́кался еси́ , Иереми́е сла́вне./ Сего́ ра́ди тебе́ ка́мением во Еги́пте, проро́че, убие́нию преда́ша,// и́же не ве́дуще пе́ти с тобо́ю Бо́гу: Аллилу́ия!
*Хотя традиционно λαος переводился как «люди(е)».
Тропарь преподобномученикам Евфимию, Игнатию и Акакию. Глас 3.
Свети́льник трисве́тлый ми́ру яви́стеся,/ преподобному́ченицы Христо́вы тричи́сленнии,/ Це́рковь заря́ми подвиго́в световодя́ще,/ сла́вне Евфи́мие, нетле́ния стебль,/ свяще́нне Игна́тие, воздержа́ния зерца́ло,/ и цвет незло́бия Ака́кие.// Тем же вас воспева́ем.
Кондак. Глас 3.
Преподо́бным сообра́зни и му́чеников о́бразы/ вои́стинну показа́стеся,/ преподобному́ченицы боже́ственнии./ Сих бо до́блести образоревну́юще*,/ яви́стеся во обои́х Сло́ва дру́зи,/ Евфи́мие богоно́сне// со Игна́тием и Ака́кием вку́пе.
*Образоревнующе - ζηλοτυπουντες, см. Канон ср. сырн. седм. на утрени, п. 3.
3 (16)
Тропарь святых мучеников Тимофея и Мавры. Глас 4.
Тимофе́я днесь с сострада́лицею, ве́рнии,/ супру́гою почти́м,/ Ма́врою, неве́стою Христо́вою,/ сих велича́юще благодерзнове́нное терпе́ние./ Си́и бо распе́ншеся,/ стопа́м Закла́ннаго после́доваша любо́вию,//и всех грехи́ ко Кресту́ Пригвозди́вшаго.
Кондак. Глас 4.
Многообра́зныя я́звы поне́сше,/ и венцы́ от Бо́га прия́вше,/ о нас моли́те ко Го́споду,/ па́мять всесвяще́нную ва́шу соверша́ющих,/ ве́лий Тимофе́е и всепе́тая Ма́вро,/ град и лю́ди умири́ти.// Той бо есть ве́рных утвержде́ние.
Ин кондак. Глас тойже.
Ра́дующися Це́рковь днесь,/ сла́вит, велича́ющи/ страстоно́сцев Христо́вых,/ Ма́вру, му́чеников утвержде́ние// и хра́брника, Тимофе́я сла́внаго.
Тропарь святителя Петра Аргосскаго. Глас 3.
Скала́ неруши́мая Це́ркве,/ па́стырь изря́дный, гра́да Арго́сскаго показа́лся еси́ ,/ иера́рше, всесла́вне./Я́ко у́бо ве́рный домострои́тель благода́ти./ Вся́ческих неду́гов нас свободи́, преподо́бне,/ Христа́ Бо́га моля́// дарова́ти нам ве́лию ми́лость.
Кондак. Глас 4.
Верхо́внику му́дрых апо́столов/ соиме́нен еси́ благосла́вно, о́тче Пе́тре,/ того́ наслади́вся святы́х дарова́ний./ Ре́вностию бо ве́ры благоче́стно просия́в,/ чудесы́ украси́л еси́ боже́ственное свое́ житие́./ Священноде́телю сла́вы Христо́вы,// чту́щия тя от бед спаса́й.
4 (17)
Тропарь мученицы Пелагии. Глас 3.
Боже́ственныя ве́ры разуме́нием/ мрак неве́дения оста́вила еси́ ,/ Пелаги́е, Христо́ва доброде́во./ Его́же присноживо́тную ро́су обре́тши,/ сквозе́ огнь по́двиг сконча́ла еси́ ./ Му́ченице сла́вная,/ Христа́ Бо́га моли́// дарова́ти нам ве́лию ми́лость.
Кондак. Глас 2.
Привре́меннаго жениха́ оста́вльши,/ безсме́ртному прему́дро уневе́стилася еси́ ,/ и сему́ я́ко безме́здно принесла́ еси́ / чистоту́ вку́пе и страда́льчества боле́зни.// Сего́ ра́ди тя, Пелаги́е, велича́ем.
5 (18).
Тропарь великомученицы Ирины. Глас 4.
Ми́ра нача́льника стопа́м после́довавши, честна́я,/ ми́ру тезоимени́та дохнове́нием Бо́жиим показа́лася еси́ , всехва́льная./ Ты бо бори́теля сете́й убежа́вши,/ пострада́ла еси́ па́че естества́, я́ко де́ва му́драя./ Сего́ ра́ди, великому́ченице Ири́но, мир нам испроси́.
Кондак. Глас 3.
Де́вства добро́тами преиспрещре́нна, де́во,/ по́двигом была́ еси́ красне́йшая, Ири́но,/ кровьми́, излия́нными тобо́ю, обагре́на,/ лесть безбо́жия низложи́вши./ Сего́ ра́ди побе́дныя по́чести прия́ла еси́ // руко́ю Созда́теля твоего́.
Тропарь святителю Евфимию Мадитскому. Глас 4.
Ма́дита тя председа́теля и иера́рха сла́внаго/ благода́ть показа́,/ я́ко Христо́ва подража́теля, Евфи́мие преподо́бне./ Те́мже священноде́йствовав богому́дро Го́споду,/ яви́лся еси́ благоче́стия де́тельный пропове́датель./ И ны́не, о́тче,// моли́ о чту́щих тя.
Кондак. Глас 8.
Я́ко иера́рха Спа́сова боже́ственнаго и Ма́дита пастыренача́льника и учи́теля/ воспева́ем тя ча́да твоя́, богоно́сне./ Но я́ко благода́ти боже́ственныя вмести́лище,/ не преста́й избавля́я от вся́каго вре́да вопию́щия ти:/ Ра́дуйся, о́тче Евфи́мие.
6 (19)
Тропарь преподобнаго Серафима, иже в Домве*. Глас 3.
Бео́тии боже́ственное прозябе́ние,/ воздержа́ния орга́н богодохнове́нный/ показа́лся еси́ , Серафи́ме досточу́дне./ Ты бо преподо́бных стопа́ми ше́ствовав,/ новоявле́нно ми́ру просия́л еси́ ./ О́тче преподо́бне,/ Христа́ Бо́га моли́// дарова́ти нам ве́лию ми́лость.
* Или «с горы Домва» - του εν τω Δομπῷ.. Домва - Δομβου - гора или холм к западу от горы Геликон в Левадской обл.
Кондак святаго праведнаго Иова. Глас 8.
Я́ко и́стинен и пра́веден, благоче́стен и непоро́чен,/ и освяще́н яви́лся еси́ , всесла́вне, служи́телю Бо́жий и́стинный./ И наста́вил еси́ мир в терпе́нии твое́м, И́ове многострада́льне./ Те́мже вси, чту́ще тя, пое́м твою́ па́мять.
7 (20)
Тропарь перенесения святых мощей преподобнаго Нила Мироточиваго.
Глас 4.
Я́ко цвет всеблагоуха́нный жи́зни ве́чныя,/ боже́ственныя мо́щи твоя́ от сокро́вищ земны́х нам яви́шася./ Те́мже па́мять соверша́юще обре́тения их,/ воспева́ем, о́тче Ни́ле, да́нную ти благода́ть,// Е́юже всем предста́тель обрета́ешися тепле́йший.
Кондак. Глас тойже.
Честны́я мо́щи твоя́ обстоя́ще,/ от них прие́млем освяще́ния дарова́ния,/ мирото́чцев украше́ние,/ Ни́ле богому́дре,// а́нгелов единосе́льниче.
8 (21)
Тропарь преподобному Арсению Великому. Глас 5.
Сласте́й отбе́гл еси́ му́дро, преподо́бне,/ с небесе́ извеще́ние прие́м,/ я́ко Авраа́м сла́вный и а́нгелом подо́бник/ яви́лся еси́ житие́м твои́м,/ сло́вом де́тельным просия́в/ и му́дростию и́стинною, Арсе́ние богому́дре./ И ны́не непреста́нно моли́// спасти́ся душа́м на́шим.
Кондак. Глас 2.
А́нгелов в телеси́ жи́тельство восприя́в,/ Арсе́ние богому́дре,/ тех че́сти сподо́бился еси́ ,/ Влады́чню престо́лу с ни́ми предстоя́,// и всем прося́ боже́ственнаго оставле́ния.
9/22
Тропарь святаго пророка Исайи. Глас 4.
Я́ко труба́ всеблагознамени́тая,/ ве́лиим гла́сом ми́ру провозвести́л еси́ Прише́ствие Христо́во,/ проро́че богодохнове́нный./ Ты бо Уте́шителя си́лою озари́вся,/ трость скоропи́сца показа́лся еси́./ Сего́ ра́ди// тя, о Иса́йе, пе́сньми почита́ем.
10/ 23
Тропарь святаго апостола Симона Зилота. Глас 3.
Ре́вность боже́ственная/ тобо́ю во пло́ти Зна́емаго, тебе́ объе́мши,/ ревни́теля во апо́столех показа́./ И Влады́чней сме́рти поревнова́в,/ Кресто́м к Нему́ изше́л еси́ ./ Си́моне сла́вне,/ Христа́ Бо́га моли́// дарова́ти нам ве́лию ми́лость.
Тропарь пророка Иеремии. Глас 1.
От чре́ва ма́терня освяти́лся еси́ Провиде́нием Сотво́ршаго,/ и проро́ческаго испо́лнился еси́ от пеле́н ра́зума,/ рыда́л еси́ над паде́нием Изра́иля,/ му́дре Иереми́е, любо́вию./ Сего́ ра́ди, я́ко проро́ка и страда́льца почита́ем тя, зову́ще:/Сла́ва просла́вльшему тя Христу́,/ сла́ва венча́вшему тя,// сла́ва подаю́щему тобо́ю нам лу́чшая.
Кондак. Глас 8.
Я́ко от чре́ва богоприя́тен и сострада́ния испо́лнь,/ о наро́да* твоего́ отпаде́нии пла́кался еси́ , Иереми́е сла́вне./ Сего́ ра́ди тебе́ ка́мением во Еги́пте, проро́че, убие́нию преда́ша,// и́же не ве́дуще пе́ти с тобо́ю Бо́гу: Аллилу́ия!
*Хотя традиционно λαος переводился как «люди(е)».
Тропарь преподобномученикам Евфимию, Игнатию и Акакию. Глас 3.
Свети́льник трисве́тлый ми́ру яви́стеся,/ преподобному́ченицы Христо́вы тричи́сленнии,/ Це́рковь заря́ми подвиго́в световодя́ще,/ сла́вне Евфи́мие, нетле́ния стебль,/ свяще́нне Игна́тие, воздержа́ния зерца́ло,/ и цвет незло́бия Ака́кие.// Тем же вас воспева́ем.
Кондак. Глас 3.
Преподо́бным сообра́зни и му́чеников о́бразы/ вои́стинну показа́стеся,/ преподобному́ченицы боже́ственнии./ Сих бо до́блести образоревну́юще*,/ яви́стеся во обои́х Сло́ва дру́зи,/ Евфи́мие богоно́сне// со Игна́тием и Ака́кием вку́пе.
*Образоревнующе - ζηλοτυπουντες, см. Канон ср. сырн. седм. на утрени, п. 3.
3 (16)
Тропарь святых мучеников Тимофея и Мавры. Глас 4.
Тимофе́я днесь с сострада́лицею, ве́рнии,/ супру́гою почти́м,/ Ма́врою, неве́стою Христо́вою,/ сих велича́юще благодерзнове́нное терпе́ние./ Си́и бо распе́ншеся,/ стопа́м Закла́ннаго после́доваша любо́вию,//и всех грехи́ ко Кресту́ Пригвозди́вшаго.
Кондак. Глас 4.
Многообра́зныя я́звы поне́сше,/ и венцы́ от Бо́га прия́вше,/ о нас моли́те ко Го́споду,/ па́мять всесвяще́нную ва́шу соверша́ющих,/ ве́лий Тимофе́е и всепе́тая Ма́вро,/ град и лю́ди умири́ти.// Той бо есть ве́рных утвержде́ние.
Ин кондак. Глас тойже.
Ра́дующися Це́рковь днесь,/ сла́вит, велича́ющи/ страстоно́сцев Христо́вых,/ Ма́вру, му́чеников утвержде́ние// и хра́брника, Тимофе́я сла́внаго.
Тропарь святителя Петра Аргосскаго. Глас 3.
Скала́ неруши́мая Це́ркве,/ па́стырь изря́дный, гра́да Арго́сскаго показа́лся еси́ ,/ иера́рше, всесла́вне./Я́ко у́бо ве́рный домострои́тель благода́ти./ Вся́ческих неду́гов нас свободи́, преподо́бне,/ Христа́ Бо́га моля́// дарова́ти нам ве́лию ми́лость.
Кондак. Глас 4.
Верхо́внику му́дрых апо́столов/ соиме́нен еси́ благосла́вно, о́тче Пе́тре,/ того́ наслади́вся святы́х дарова́ний./ Ре́вностию бо ве́ры благоче́стно просия́в,/ чудесы́ украси́л еси́ боже́ственное свое́ житие́./ Священноде́телю сла́вы Христо́вы,// чту́щия тя от бед спаса́й.
4 (17)
Тропарь мученицы Пелагии. Глас 3.
Боже́ственныя ве́ры разуме́нием/ мрак неве́дения оста́вила еси́ ,/ Пелаги́е, Христо́ва доброде́во./ Его́же присноживо́тную ро́су обре́тши,/ сквозе́ огнь по́двиг сконча́ла еси́ ./ Му́ченице сла́вная,/ Христа́ Бо́га моли́// дарова́ти нам ве́лию ми́лость.
Кондак. Глас 2.
Привре́меннаго жениха́ оста́вльши,/ безсме́ртному прему́дро уневе́стилася еси́ ,/ и сему́ я́ко безме́здно принесла́ еси́ / чистоту́ вку́пе и страда́льчества боле́зни.// Сего́ ра́ди тя, Пелаги́е, велича́ем.
5 (18).
Тропарь великомученицы Ирины. Глас 4.
Ми́ра нача́льника стопа́м после́довавши, честна́я,/ ми́ру тезоимени́та дохнове́нием Бо́жиим показа́лася еси́ , всехва́льная./ Ты бо бори́теля сете́й убежа́вши,/ пострада́ла еси́ па́че естества́, я́ко де́ва му́драя./ Сего́ ра́ди, великому́ченице Ири́но, мир нам испроси́.
Кондак. Глас 3.
Де́вства добро́тами преиспрещре́нна, де́во,/ по́двигом была́ еси́ красне́йшая, Ири́но,/ кровьми́, излия́нными тобо́ю, обагре́на,/ лесть безбо́жия низложи́вши./ Сего́ ра́ди побе́дныя по́чести прия́ла еси́ // руко́ю Созда́теля твоего́.
Тропарь святителю Евфимию Мадитскому. Глас 4.
Ма́дита тя председа́теля и иера́рха сла́внаго/ благода́ть показа́,/ я́ко Христо́ва подража́теля, Евфи́мие преподо́бне./ Те́мже священноде́йствовав богому́дро Го́споду,/ яви́лся еси́ благоче́стия де́тельный пропове́датель./ И ны́не, о́тче,// моли́ о чту́щих тя.
Кондак. Глас 8.
Я́ко иера́рха Спа́сова боже́ственнаго и Ма́дита пастыренача́льника и учи́теля/ воспева́ем тя ча́да твоя́, богоно́сне./ Но я́ко благода́ти боже́ственныя вмести́лище,/ не преста́й избавля́я от вся́каго вре́да вопию́щия ти:/ Ра́дуйся, о́тче Евфи́мие.
6 (19)
Тропарь преподобнаго Серафима, иже в Домве*. Глас 3.
Бео́тии боже́ственное прозябе́ние,/ воздержа́ния орга́н богодохнове́нный/ показа́лся еси́ , Серафи́ме досточу́дне./ Ты бо преподо́бных стопа́ми ше́ствовав,/ новоявле́нно ми́ру просия́л еси́ ./ О́тче преподо́бне,/ Христа́ Бо́га моли́// дарова́ти нам ве́лию ми́лость.
* Или «с горы Домва» - του εν τω Δομπῷ.. Домва - Δομβου - гора или холм к западу от горы Геликон в Левадской обл.
Кондак святаго праведнаго Иова. Глас 8.
Я́ко и́стинен и пра́веден, благоче́стен и непоро́чен,/ и освяще́н яви́лся еси́ , всесла́вне, служи́телю Бо́жий и́стинный./ И наста́вил еси́ мир в терпе́нии твое́м, И́ове многострада́льне./ Те́мже вси, чту́ще тя, пое́м твою́ па́мять.
7 (20)
Тропарь перенесения святых мощей преподобнаго Нила Мироточиваго.
Глас 4.
Я́ко цвет всеблагоуха́нный жи́зни ве́чныя,/ боже́ственныя мо́щи твоя́ от сокро́вищ земны́х нам яви́шася./ Те́мже па́мять соверша́юще обре́тения их,/ воспева́ем, о́тче Ни́ле, да́нную ти благода́ть,// Е́юже всем предста́тель обрета́ешися тепле́йший.
Кондак. Глас тойже.
Честны́я мо́щи твоя́ обстоя́ще,/ от них прие́млем освяще́ния дарова́ния,/ мирото́чцев украше́ние,/ Ни́ле богому́дре,// а́нгелов единосе́льниче.
8 (21)
Тропарь преподобному Арсению Великому. Глас 5.
Сласте́й отбе́гл еси́ му́дро, преподо́бне,/ с небесе́ извеще́ние прие́м,/ я́ко Авраа́м сла́вный и а́нгелом подо́бник/ яви́лся еси́ житие́м твои́м,/ сло́вом де́тельным просия́в/ и му́дростию и́стинною, Арсе́ние богому́дре./ И ны́не непреста́нно моли́// спасти́ся душа́м на́шим.
Кондак. Глас 2.
А́нгелов в телеси́ жи́тельство восприя́в,/ Арсе́ние богому́дре,/ тех че́сти сподо́бился еси́ ,/ Влады́чню престо́лу с ни́ми предстоя́,// и всем прося́ боже́ственнаго оставле́ния.
9/22
Тропарь святаго пророка Исайи. Глас 4.
Я́ко труба́ всеблагознамени́тая,/ ве́лиим гла́сом ми́ру провозвести́л еси́ Прише́ствие Христо́во,/ проро́че богодохнове́нный./ Ты бо Уте́шителя си́лою озари́вся,/ трость скоропи́сца показа́лся еси́./ Сего́ ра́ди// тя, о Иса́йе, пе́сньми почита́ем.
10/ 23
Тропарь святаго апостола Симона Зилота. Глас 3.
Ре́вность боже́ственная/ тобо́ю во пло́ти Зна́емаго, тебе́ объе́мши,/ ревни́теля во апо́столех показа́./ И Влады́чней сме́рти поревнова́в,/ Кресто́м к Нему́ изше́л еси́ ./ Си́моне сла́вне,/ Христа́ Бо́га моли́// дарова́ти нам ве́лию ми́лость.