Служба святому мученику Леониду, (Коринфскому). Пам. 10 (23) марта, 16 (29) апреля. (Редактировано)
Источник: Σωφρόνιος (Εὐστρατιάδης), μητρ. Λεωνίδης ὅσιος ἀρχιεπίσκοπος ᾿Αθηνῶν κα Λεωνίδης μάρτυς ὁ ἐν Τροιζῆνι // Θεολογία. 1935. Τ. 13. Σ. 170-179.
Источник кондака и икоса: ΜΙΤΡΟΠΟΛΙΤΟΥ ΑΡΓΟΛΙΔΟ ΧΡΙΖΟΣΤΟΜΟΥ Β`.ΑΓΙΟΛΟΓΙΚΑΙ ΜΕΛΕΤΑΙ ΚΑΙ ΑΣΜΑΤΙΚΗ ΑΚΟΛΟΥΘΙΑ ΕΙΣ ΤΟΝ ΑΓΙΟΝ ΜΑΡΤΥΡΑ λΕΩΝΙΔΗΝ ΚΑΙ ΤΗΝ ΣΥΝΟΔΕΙΑΝ ΑΥΤΟΥ.
Примечание: Никак не могу определиться с "ы" после шипящих, нужно ли их передавать в гражданском шрифте. В конце концов решила посоветоваться с авторитетным лицом и, получив ответ, поняла, что совершенно не согласна с его (ее) аргументацией. В данной службе - решила передавать, т. е. писать шы и щы во мн. ч. , как в церковнославянском шрифте.
Служба святому мученику Леониду [1].
На вечерне стихиры:
Глас 1. Всехвальнии мученицы:
Добропобе́днии му́ченицы,/ Го́спода Бога чту́ще,/ и Творца́ всея́ тва́ри,/ че́сти чужды́я и́долом безду́шным отню́д не принесо́сте,/ и смерть непра́ведно претерпе́сте,/ и ны́не помоли́теся// дарова́ти душа́м на́шим мир и ве́лию ми́лость.
Во глубину́ поверга́еми,/ ку́пно в ней кончи́ну блаже́нную,/ му́ченицы сла́внии, я́ве восприя́сте./ Ре́ки льсти и зло́бы пото́ки/ святы́ми стоя́ньми осуши́вше./ Сего́ ра́ди испроси́те// даровати душа́м на́шим мир и ве́лию ми́лость.
Леони́да вси ве́рнии,/ Нику и Харие́ссу, и Нунехи́ю,/ Васили́ссу, Гали́ну, Кали́су [2]/ и Феодо́ру, прииди́те, ублажи́м,/ в го́рния всели́вшихся черто́ги,/ и возопии́м:// Тех, Христе́, моле́ньми мир да́руй ми́ру Твоему́.
На утрени. Седален. Глас 1. Камени запечатану:
Пред мучители Христа́ испове́даша,/ де́вы ю́ныя с Леони́дом, ра́дующеся,/ и смерть претерпе́ша вку́пе,/ морски́м глубина́м бесе́дующе,/ и в го́рних черто́гах/ сла́вно жи́тельствуют, лику́юще:/ Сла́ва укре́пльшему я,/ сла́ва венча́вшему,// сла́ва де́йствующему те́ми всем исцеле́ния.
Канон, егоже краегранесие: Божественное принесу мучеником сладкопение. Иосиф.
Творение Иосифа.
Глас 1. Твоя́ победи́тельная десни́ца/ [боголе́пно в кре́пости просла́вися:/ та бо, Безсме́ртне,/ я́ко всемогу́щая, проти́вныя сотре́,// изра́ильтяном путь глубины́ новосоде́лавшая]:
Боже́ственными заря́ми просвеща́еми,/ и трисо́лнечному све́ту предстоя́ще,/ му́ченицы всехва́льнии,/ честно́е и светоно́сное страда́ние ва́ше соверша́ющыя,// страсте́й мглы изба́вите.
Бо́дрым по́мыслом предстоя́сте/ пред суде́йскими седа́лищи суди́ми,/ и стра́сти честны́я Христо́вы/ изобразу́юще, блаже́ннейшии,// пло́тию пострада́вшаго за ны бла́гостию.
Священносло́вяще Христо́во па́че сло́ва,/ всехва́льнии, воплоще́ние,/ предстоя́сте суди́ми,/ и нечести́вых беззако́ние все// по́мыслом свобо́дным боголе́пно судя́ще.
Свято́е пребыва́лище Тя обре́т/ на небесе́х жи́тельствуяй,/ во свята́я ложесна́ Твоя́ во́лею всели́ся,/ и рожде́йся, мир освяти́л есть,// Отрокови́це Пресвята́я, премно́жеством бла́гости.
Песнь 3. Еди́не ве́дый [челове́ческаго существа́ не́мощь/ и ми́лостивно в не вообра́жься,/ препоя́ши мя с высоты́ си́лою,/ е́же вопи́ти Тебе́, Святы́й,// одушевле́нный хра́ме неизрече́нныя сла́вы Твоея́, Человеколю́бче]:
Зако́ном повину́стеся [3] Христовым, / подвиг благославный скончасте, всехвальнии,/ беззако́ния вся́каго уклони́стеся,/ и [ло́жным] бого́м не принесо́сте почита́ния безслове́снаго:// сего́ ра́ди ве́рно [вас] ублажа́ем.
Огне́м боже́ственныя любве́/ душе́ю я́ве возже́нни,/ на му́жеския по́двиги дерза́ете [4],/ пло́ти мучи́тельства, страда́льцы, претерпе́вше,/ и смерть, я́ко жи́зни пода́тельницу ве́чныя;// сего́ ра́ди ублажа́етеся.
Глаго́лов твои́х стрела́ми, му́дре,/ сердца́ уязви́л еси́ нечести́вых,/ стре́лы младе́нец вменя́я язвы их [5],/ Леони́де сла́вне, страда́льче блаже́нне,// святы́х а́нгелов собесе́дниче.
Еди́н неви́димый Бог ви́ден бысть,/ из Тебе́ воплоща́ем, премно́жеством бла́гости:/ Его́же умоли́/ от неви́димых мя враг изба́вити,// неща́дно стужа́ющих се́рдце мое́, Всенепоро́чная Влады́чице.
Песнь 4. Го́ру Тя благода́тию [Бо́жиею приосене́нную,/ прозорли́выма Авваку́м усмотри́в очи́ма,/ из Тебе́ изы́ти Изра́илеву провозглаша́ше Свято́му,// во спасе́ние на́ше и обновле́ние]:
Согла́сно Харие́ссу и Ни́ку почти́м,/ и Леони́да с ни́ми, и Нунехи́ю честну́ю,/ Гали́ну и Кали́су благосла́вную,/ и Феодо́ру сла́вную,// и свяще́нную боже́ственную Васили́ссу.
Непра́ведно, всеблаже́нне Леони́де, стру́жем/, не отве́рглся еси́ Христа́,/ Еди́наго всех Соде́теля,/ но пребы́л еси́ невра́щен к Тому́ всеце́лыми соу́зами:// сего́ ра́ди по до́лгу почита́ем тя.
Стра́нно тя яви́ боже́ственная благода́ть, Харие́ссо,/ зане́ беззако́нныя нечести́выя ужаси́ла еси́, честна́я,/ ве́рныя же просвети́ла еси́,/ честно́е стоя́ние твое́ помышля́ющыя// и блаже́нную ре́вность ве́ры.
Я́ко Ма́ти Бо́га Творца́ всея́ тва́ри,/ Того́ моли́, Чи́стая,/ уще́дрити на́ше, Де́во, неможе́ние,/ и очище́ние всем прегреше́ний дарова́ти,// и ве́чных красо́т наслажде́ние.
Песнь 5. Просвети́вый сия́нием [прише́ствия Твоего́, Христе́,/ и освети́вый Кресто́м Твои́м ми́ра концы́,/ сердца́ просвети́ све́том Твоего́ богоразу́мия,// правосла́вно пою́щих Тя]:
Удали́вшися нече́стия, Нунехи́е всечестна́я,/ смы́сленно [6] Бо́гу прибли́жилася еси́,/ от Него́же в боже́ственную си́лу обле́кшися,// могу́тство вся́кое низложи́ла еси́ зми́ево.
Небла́зненну души́ красоту́ соблюла́ еси́, Васили́ссо,/ и Бо́гу благоугоди́ла еси́ изря́дно,/ Ца́рствия [7] тя небе́снаго// насле́дницу соде́лавшему, всечестна́я.
Глаго́лов твои́х, му́ченице Ни́ко, стоя́нием,/ побежде́н, беззако́нный,/ недоуме́нием безме́рным объя́т бысть:/ Иису́с же побе́дными [8] украси́вый тя венцы́,// со́нмом му́ченическим сопричи́сли.
Пучи́ну благоутро́бия, Христа́ Заче́ншая,/ прегреше́ний мои́х глубину́ неизме́римую осуши́,/ ту́чи умиле́ния подаю́щи ми, Де́во,// Твои́ми к Бо́гу предста́тельствы.
Песнь 6. Обы́де нас [после́дняя бе́здна,/ несть избавля́яй,/ вмени́хомся, я́ко о́вцы заколе́ния,/ спаси́ лю́ди Твоя́, Бо́же наш,// Ты бо кре́пость немощству́ющих и утвержде́ние]:
Преплы́ла еси́, честна́я Гали́но, ра́дующися,/ страда́ния пучи́ну,/ и прия́ла еси́ споко́йное приста́нище [9]/ Ца́рствия Бо́жия и све́тлости,// о нас, чту́щих тя, моля́щися.
Тя добро́тою [10] мы́сленною облиста́ющу,/ кра́сный уневе́сти, всепе́тая Кали́со, Изба́витель,/ к боже́ственным черто́гом пресели́вый тя,// свяще́нное тече́ние с сострада́лицами сконча́вшая.
Кре́постию боже́ственною/ дар богоприя́тный Го́споду принесла́ еси́,/ Феодо́ро [11], честна́я де́во,/ до́бре по́стническое по́прище проте́кши:// тем же тя ны́не велегла́сно, ве́рнии, почита́ем.
Умерщвле́ния нас стра́стнаго изба́вил есть/ честны́ми Свои́ми страстьми́/ Бог, во чре́во Твое́ всели́выйся/ премно́жеством бла́гости, Чи́стая:// те́мже гла́сы благода́рственными при́сно почита́ем Тя.
Кондак. Глас 4. Вознесыйся на Крест:
Епида́вра [12] ны́не предста́телей чтим,/ и му́чеников сла́ву возвеща́ем,/ Леони́да, сла́внаго ору́жника Христо́ва,/ и сподви́жницы седмь спра́зднуем:/ и́же ны́не благогове́йно престо́лу сла́вы предстоя́ще,/ мо́лятся Христу́// о и́же ве́рою святу́ю па́мять их соверша́ющих.
Икос.
Я́ко отре́би вся, я́же на земли́ презре́вше,/ на небе́снем престо́ле ны́не пребыва́ют во сла́ве,/ достосла́внии Госпо́дни му́ченицы:/ Леони́д бо на дре́ве обе́шен бысть [13],// и лик сострада́лиц, во глубине́ кончи́ну обре́те.
К Тому́ дости́гше,/ и́стиннии во́ини Госпо́дни яви́шася,/ и небе́сных даро́в сподо́бишася,/ и ны́не мо́лятся Христу́// о и́же ве́рою соверша́ющих па́мять их.
Песнь 7. Тебе́ у́мную, Богоро́дице, [пещь,/ разсмотря́ем, ве́рнии,/ я́коже бо о́троки три Превозноси́мый,/ мир обнови́ во чре́ве Твое́м всеце́л,// хва́льный отце́в Бог препросла́влен]:
Ублаже́ния ра́внаго сподо́бистеся,/ ра́вно тече́ние до́брое сконча́вше благосла́вно,/ му́ченицы всехва́льнии:/ те́мже к невече́рнему све́ту всели́стеся, взыва́юще:// Хва́льный отце́в Бог и препросла́влен.
Пото́ками Свята́го Ду́ха ороша́еми, му́дрии,/ вве́ржени бы́сте во глубину́ морску́ю, ра́дующеся,/ во́ды осуши́вше многобо́жия и пою́ще:// Хва́льный отце́в Бог и препросла́влен.
Словесы́ честны́ми Леони́да, Ни́ку [14],/ и Нунехи́ю честну́ю, и Харие́ссу с не́ю,/ Гали́ну, Кали́су и боже́ственную Феодо́ру/ ны́не с Васили́ссою воспои́м, зову́ще:// Хва́льный отце́в Бог и препросла́влен.
Я́ко дождь на Тя, Всенепоро́чная,/ сни́де Сло́во О́тчее,/ и напое́ньми духо́вными вся напои́л еси́/ Тя ублажа́ющыя и благоче́стно взыва́ющыя:// Хва́льный отце́в Бог и препросла́влен.
Песнь 8. В пещи́ о́троцы Изра́илевы,/ [я́коже в горни́ле, добро́тою благоче́стия/ чисте́е зла́та блеща́хуся, глаго́люще:/ благослови́те, вся дела́ Госпо́дня, Го́спода,// по́йте и превозноси́те во вся ве́ки]:
Любве́ ра́ди за нас Закла́вшагося, страстоте́рпцы,/ приводи́ми умре́ти усе́рднейше,/ ра́достно поя́сте согла́сно:// Благослови́те, вся дела́ Госпо́дня, Го́спода.
Врачевство́ яви́ся храм боже́ственных страстоте́рпец,/ притека́ющым при́сно чуде́с источа́я в нем дарова́ния/ и вопию́щым всегда́:// Вся дела́, благослови́те Го́спода.
Обе́шен, му́чениче Христо́в,/ всеблаже́нне Леони́де, и стру́жем [15],/ претерпева́л еси́, вопия́/ тебе́ ра́ди Крест Претерпе́вшему:// Благослови́те, вся дела́ Госпо́дня, Го́спода.
Умерщвле́нную страстьми́ мно́гими, Де́во,/ ду́шу мою́, Живо́т ми́ру ро́ждшая,/ оживотвори́ вопи́ти се́рдца пра́востию:// Благослови́те, вся дела́ Госпо́дня, Го́спода.
Песнь 9. О́браз чи́стаго [рождества́ Твоего́,/ огнепали́мая купина́ показа́ неопа́льная;/ ны́не на нас напа́стей свире́пеющую угаси́ти мо́лимся пещь,// да Тя, Богоро́дице, непреста́нно велича́ем.]
Ра́вное тече́ние сконча́вше,/ по́честей ра́вных сла́вы сподо́бистеся,/ на небесе́х пребыва́ете, ра́дующеся,/ со все́ми а́нгелы, всехва́льнии,// Госпо́дни страстоте́рпцы, о нас Того́ моля́ще.
Яко приноше́ния всесовеше́нная/ и же́ртвы свяще́нныя принесо́стеся/ Всецарю́ и Творцу́ всея́ тва́ри,/ и во стране́ живы́х водвори́стеся,/ Госпо́дни страстоте́рпцы,/ о нас Тому́ моля́щеся.
Вене́ц пра́вды от Бо́га прия́ша/ Ни́ка и Харие́сса, /Боже́ственный Леони́д, и Кали́са, и Васили́сса,/ Нунехи́я, Гали́на всечестна́я,/ вку́пе и Феодо́ра,// и ны́не во све́те невече́рнем жи́тельствуют.
Ны́не Бо́гу прибли́жившеся,/ и просвеше́ния неизрече́ннаго испо́лньшеся,/ усыновле́нием бо́зи всесла́вно бы́вше,/ вас на земли́ ублажа́ющыя,// Госпо́дни страстоте́рпцы, страсте́й но́щи изба́вите.
Но́сиши вся Нося́щаго,/ я́ко престо́л херуви́мский, Богоблагода́тная:/ Того́ у́бо, Чи́стая, я́ко Благоде́теля,/ моли́ на́ша презре́ти согреше́ния,// и живота́ сподо́бити благоче́стно Тя ублажа́ющыя.
[1] Источник: Σωφρόνιος (Εὐστρατιάδης), μητρ. Λεωνίδης ὅσιος ἀρχιεπίσκοπος ᾿Αθηνῶν κα Λεωνίδης μάρτυς ὁ ἐν Τροιζῆνι // Θεολογία. 1935. Τ. 13. Σ. 170-179.
Источник кондака и икоса: ΜΙΤΡΟΠΟΛΙΤΟΥ ΑΡΓΟΛΙΔΟ ΧΡΙΖΟΣΤΟΜΟΥ Β`.ΑΓΙΟΛΟΓΙΚΑΙ ΜΕΛΕΤΑΙ ΚΑΙ ΑΣΜΑΤΙΚΗ ΑΚΟΛΟΥΘΙΑ ΕΙΣ ΤΟΝ ΑΓΙΟΝ ΜΑΡΤΥΡΑ λΕΩΝΙΔΗΝ ΚΑΙ ΤΗΝ ΣΥΝΟΔΕΙΑΝ ΑΥΤΟΥ.
[2] Так в наших м-словах. Но встречается вар. «Каллида».
[3] Можно предположить, что окончания искажены, и следует читать не ἐκκλίνασαι и νείμασαι, а ἐκλίνασθε и νείμασθε. В противном случае, здесь речь идет об одних девах, что ничем в тексте не обусловлено. Во втором случае, «Законом повинующася Христовым», и т. д.
[4] Непонятно, почему такое окончание в слове χωρειται. Очевидно, следует читать χωρειε ( 2 л. наст. вр.)
[5] Ср. Пс 63:8.
[6] Игра слов. Нунехия - от νοῦν ἔχω -имею ум (смысл).
[7] Очевидно, тж. игра слов: Βασιλίσσα и βασιλεία - царство.
[8] Игра слов. Νίκη -победа.
[9] Игра слов. Γαλήνη -спокойствие, тишина, штиль.
[10] Игра слов. Καλλίς -κάλλος -добро́та (красота).
[11] Игра слов. Феодора - Θεοδώρα -Божий дар.
[12] Эпида́вр или Эпи́даврос (др.-греч. Ἐπίδαυρος, греч. Επίδαυρος) - древний город в Греции, расположенный на северо-востоке Пелопоннеса.
[13] Возможно, существует другое предание, говорящее о повешении на древе. Но в имеющемся на правосл. сайтах житии св. Леонида ничего не говорится о древе, и он принимает кончину, будучи брошен в море с камнем на шее, как и его сподвижницы.
[14] В греч. тексте ошибочно имя Ника здесь стоит с маленькой буквы, т. е. прочитано как «победа».
[15] Ξενόμενος. Очевидно, следует читать как ξεόμενος.
Источник кондака и икоса: ΜΙΤΡΟΠΟΛΙΤΟΥ ΑΡΓΟΛΙΔΟ ΧΡΙΖΟΣΤΟΜΟΥ Β`.ΑΓΙΟΛΟΓΙΚΑΙ ΜΕΛΕΤΑΙ ΚΑΙ ΑΣΜΑΤΙΚΗ ΑΚΟΛΟΥΘΙΑ ΕΙΣ ΤΟΝ ΑΓΙΟΝ ΜΑΡΤΥΡΑ λΕΩΝΙΔΗΝ ΚΑΙ ΤΗΝ ΣΥΝΟΔΕΙΑΝ ΑΥΤΟΥ.
Примечание: Никак не могу определиться с "ы" после шипящих, нужно ли их передавать в гражданском шрифте. В конце концов решила посоветоваться с авторитетным лицом и, получив ответ, поняла, что совершенно не согласна с его (ее) аргументацией. В данной службе - решила передавать, т. е. писать шы и щы во мн. ч. , как в церковнославянском шрифте.
Служба святому мученику Леониду [1].
На вечерне стихиры:
Глас 1. Всехвальнии мученицы:
Добропобе́днии му́ченицы,/ Го́спода Бога чту́ще,/ и Творца́ всея́ тва́ри,/ че́сти чужды́я и́долом безду́шным отню́д не принесо́сте,/ и смерть непра́ведно претерпе́сте,/ и ны́не помоли́теся// дарова́ти душа́м на́шим мир и ве́лию ми́лость.
Во глубину́ поверга́еми,/ ку́пно в ней кончи́ну блаже́нную,/ му́ченицы сла́внии, я́ве восприя́сте./ Ре́ки льсти и зло́бы пото́ки/ святы́ми стоя́ньми осуши́вше./ Сего́ ра́ди испроси́те// даровати душа́м на́шим мир и ве́лию ми́лость.
Леони́да вси ве́рнии,/ Нику и Харие́ссу, и Нунехи́ю,/ Васили́ссу, Гали́ну, Кали́су [2]/ и Феодо́ру, прииди́те, ублажи́м,/ в го́рния всели́вшихся черто́ги,/ и возопии́м:// Тех, Христе́, моле́ньми мир да́руй ми́ру Твоему́.
На утрени. Седален. Глас 1. Камени запечатану:
Пред мучители Христа́ испове́даша,/ де́вы ю́ныя с Леони́дом, ра́дующеся,/ и смерть претерпе́ша вку́пе,/ морски́м глубина́м бесе́дующе,/ и в го́рних черто́гах/ сла́вно жи́тельствуют, лику́юще:/ Сла́ва укре́пльшему я,/ сла́ва венча́вшему,// сла́ва де́йствующему те́ми всем исцеле́ния.
Канон, егоже краегранесие: Божественное принесу мучеником сладкопение. Иосиф.
Творение Иосифа.
Глас 1. Твоя́ победи́тельная десни́ца/ [боголе́пно в кре́пости просла́вися:/ та бо, Безсме́ртне,/ я́ко всемогу́щая, проти́вныя сотре́,// изра́ильтяном путь глубины́ новосоде́лавшая]:
Боже́ственными заря́ми просвеща́еми,/ и трисо́лнечному све́ту предстоя́ще,/ му́ченицы всехва́льнии,/ честно́е и светоно́сное страда́ние ва́ше соверша́ющыя,// страсте́й мглы изба́вите.
Бо́дрым по́мыслом предстоя́сте/ пред суде́йскими седа́лищи суди́ми,/ и стра́сти честны́я Христо́вы/ изобразу́юще, блаже́ннейшии,// пло́тию пострада́вшаго за ны бла́гостию.
Священносло́вяще Христо́во па́че сло́ва,/ всехва́льнии, воплоще́ние,/ предстоя́сте суди́ми,/ и нечести́вых беззако́ние все// по́мыслом свобо́дным боголе́пно судя́ще.
Свято́е пребыва́лище Тя обре́т/ на небесе́х жи́тельствуяй,/ во свята́я ложесна́ Твоя́ во́лею всели́ся,/ и рожде́йся, мир освяти́л есть,// Отрокови́це Пресвята́я, премно́жеством бла́гости.
Песнь 3. Еди́не ве́дый [челове́ческаго существа́ не́мощь/ и ми́лостивно в не вообра́жься,/ препоя́ши мя с высоты́ си́лою,/ е́же вопи́ти Тебе́, Святы́й,// одушевле́нный хра́ме неизрече́нныя сла́вы Твоея́, Человеколю́бче]:
Зако́ном повину́стеся [3] Христовым, / подвиг благославный скончасте, всехвальнии,/ беззако́ния вся́каго уклони́стеся,/ и [ло́жным] бого́м не принесо́сте почита́ния безслове́снаго:// сего́ ра́ди ве́рно [вас] ублажа́ем.
Огне́м боже́ственныя любве́/ душе́ю я́ве возже́нни,/ на му́жеския по́двиги дерза́ете [4],/ пло́ти мучи́тельства, страда́льцы, претерпе́вше,/ и смерть, я́ко жи́зни пода́тельницу ве́чныя;// сего́ ра́ди ублажа́етеся.
Глаго́лов твои́х стрела́ми, му́дре,/ сердца́ уязви́л еси́ нечести́вых,/ стре́лы младе́нец вменя́я язвы их [5],/ Леони́де сла́вне, страда́льче блаже́нне,// святы́х а́нгелов собесе́дниче.
Еди́н неви́димый Бог ви́ден бысть,/ из Тебе́ воплоща́ем, премно́жеством бла́гости:/ Его́же умоли́/ от неви́димых мя враг изба́вити,// неща́дно стужа́ющих се́рдце мое́, Всенепоро́чная Влады́чице.
Песнь 4. Го́ру Тя благода́тию [Бо́жиею приосене́нную,/ прозорли́выма Авваку́м усмотри́в очи́ма,/ из Тебе́ изы́ти Изра́илеву провозглаша́ше Свято́му,// во спасе́ние на́ше и обновле́ние]:
Согла́сно Харие́ссу и Ни́ку почти́м,/ и Леони́да с ни́ми, и Нунехи́ю честну́ю,/ Гали́ну и Кали́су благосла́вную,/ и Феодо́ру сла́вную,// и свяще́нную боже́ственную Васили́ссу.
Непра́ведно, всеблаже́нне Леони́де, стру́жем/, не отве́рглся еси́ Христа́,/ Еди́наго всех Соде́теля,/ но пребы́л еси́ невра́щен к Тому́ всеце́лыми соу́зами:// сего́ ра́ди по до́лгу почита́ем тя.
Стра́нно тя яви́ боже́ственная благода́ть, Харие́ссо,/ зане́ беззако́нныя нечести́выя ужаси́ла еси́, честна́я,/ ве́рныя же просвети́ла еси́,/ честно́е стоя́ние твое́ помышля́ющыя// и блаже́нную ре́вность ве́ры.
Я́ко Ма́ти Бо́га Творца́ всея́ тва́ри,/ Того́ моли́, Чи́стая,/ уще́дрити на́ше, Де́во, неможе́ние,/ и очище́ние всем прегреше́ний дарова́ти,// и ве́чных красо́т наслажде́ние.
Песнь 5. Просвети́вый сия́нием [прише́ствия Твоего́, Христе́,/ и освети́вый Кресто́м Твои́м ми́ра концы́,/ сердца́ просвети́ све́том Твоего́ богоразу́мия,// правосла́вно пою́щих Тя]:
Удали́вшися нече́стия, Нунехи́е всечестна́я,/ смы́сленно [6] Бо́гу прибли́жилася еси́,/ от Него́же в боже́ственную си́лу обле́кшися,// могу́тство вся́кое низложи́ла еси́ зми́ево.
Небла́зненну души́ красоту́ соблюла́ еси́, Васили́ссо,/ и Бо́гу благоугоди́ла еси́ изря́дно,/ Ца́рствия [7] тя небе́снаго// насле́дницу соде́лавшему, всечестна́я.
Глаго́лов твои́х, му́ченице Ни́ко, стоя́нием,/ побежде́н, беззако́нный,/ недоуме́нием безме́рным объя́т бысть:/ Иису́с же побе́дными [8] украси́вый тя венцы́,// со́нмом му́ченическим сопричи́сли.
Пучи́ну благоутро́бия, Христа́ Заче́ншая,/ прегреше́ний мои́х глубину́ неизме́римую осуши́,/ ту́чи умиле́ния подаю́щи ми, Де́во,// Твои́ми к Бо́гу предста́тельствы.
Песнь 6. Обы́де нас [после́дняя бе́здна,/ несть избавля́яй,/ вмени́хомся, я́ко о́вцы заколе́ния,/ спаси́ лю́ди Твоя́, Бо́же наш,// Ты бо кре́пость немощству́ющих и утвержде́ние]:
Преплы́ла еси́, честна́я Гали́но, ра́дующися,/ страда́ния пучи́ну,/ и прия́ла еси́ споко́йное приста́нище [9]/ Ца́рствия Бо́жия и све́тлости,// о нас, чту́щих тя, моля́щися.
Тя добро́тою [10] мы́сленною облиста́ющу,/ кра́сный уневе́сти, всепе́тая Кали́со, Изба́витель,/ к боже́ственным черто́гом пресели́вый тя,// свяще́нное тече́ние с сострада́лицами сконча́вшая.
Кре́постию боже́ственною/ дар богоприя́тный Го́споду принесла́ еси́,/ Феодо́ро [11], честна́я де́во,/ до́бре по́стническое по́прище проте́кши:// тем же тя ны́не велегла́сно, ве́рнии, почита́ем.
Умерщвле́ния нас стра́стнаго изба́вил есть/ честны́ми Свои́ми страстьми́/ Бог, во чре́во Твое́ всели́выйся/ премно́жеством бла́гости, Чи́стая:// те́мже гла́сы благода́рственными при́сно почита́ем Тя.
Кондак. Глас 4. Вознесыйся на Крест:
Епида́вра [12] ны́не предста́телей чтим,/ и му́чеников сла́ву возвеща́ем,/ Леони́да, сла́внаго ору́жника Христо́ва,/ и сподви́жницы седмь спра́зднуем:/ и́же ны́не благогове́йно престо́лу сла́вы предстоя́ще,/ мо́лятся Христу́// о и́же ве́рою святу́ю па́мять их соверша́ющих.
Икос.
Я́ко отре́би вся, я́же на земли́ презре́вше,/ на небе́снем престо́ле ны́не пребыва́ют во сла́ве,/ достосла́внии Госпо́дни му́ченицы:/ Леони́д бо на дре́ве обе́шен бысть [13],// и лик сострада́лиц, во глубине́ кончи́ну обре́те.
К Тому́ дости́гше,/ и́стиннии во́ини Госпо́дни яви́шася,/ и небе́сных даро́в сподо́бишася,/ и ны́не мо́лятся Христу́// о и́же ве́рою соверша́ющих па́мять их.
Песнь 7. Тебе́ у́мную, Богоро́дице, [пещь,/ разсмотря́ем, ве́рнии,/ я́коже бо о́троки три Превозноси́мый,/ мир обнови́ во чре́ве Твое́м всеце́л,// хва́льный отце́в Бог препросла́влен]:
Ублаже́ния ра́внаго сподо́бистеся,/ ра́вно тече́ние до́брое сконча́вше благосла́вно,/ му́ченицы всехва́льнии:/ те́мже к невече́рнему све́ту всели́стеся, взыва́юще:// Хва́льный отце́в Бог и препросла́влен.
Пото́ками Свята́го Ду́ха ороша́еми, му́дрии,/ вве́ржени бы́сте во глубину́ морску́ю, ра́дующеся,/ во́ды осуши́вше многобо́жия и пою́ще:// Хва́льный отце́в Бог и препросла́влен.
Словесы́ честны́ми Леони́да, Ни́ку [14],/ и Нунехи́ю честну́ю, и Харие́ссу с не́ю,/ Гали́ну, Кали́су и боже́ственную Феодо́ру/ ны́не с Васили́ссою воспои́м, зову́ще:// Хва́льный отце́в Бог и препросла́влен.
Я́ко дождь на Тя, Всенепоро́чная,/ сни́де Сло́во О́тчее,/ и напое́ньми духо́вными вся напои́л еси́/ Тя ублажа́ющыя и благоче́стно взыва́ющыя:// Хва́льный отце́в Бог и препросла́влен.
Песнь 8. В пещи́ о́троцы Изра́илевы,/ [я́коже в горни́ле, добро́тою благоче́стия/ чисте́е зла́та блеща́хуся, глаго́люще:/ благослови́те, вся дела́ Госпо́дня, Го́спода,// по́йте и превозноси́те во вся ве́ки]:
Любве́ ра́ди за нас Закла́вшагося, страстоте́рпцы,/ приводи́ми умре́ти усе́рднейше,/ ра́достно поя́сте согла́сно:// Благослови́те, вся дела́ Госпо́дня, Го́спода.
Врачевство́ яви́ся храм боже́ственных страстоте́рпец,/ притека́ющым при́сно чуде́с источа́я в нем дарова́ния/ и вопию́щым всегда́:// Вся дела́, благослови́те Го́спода.
Обе́шен, му́чениче Христо́в,/ всеблаже́нне Леони́де, и стру́жем [15],/ претерпева́л еси́, вопия́/ тебе́ ра́ди Крест Претерпе́вшему:// Благослови́те, вся дела́ Госпо́дня, Го́спода.
Умерщвле́нную страстьми́ мно́гими, Де́во,/ ду́шу мою́, Живо́т ми́ру ро́ждшая,/ оживотвори́ вопи́ти се́рдца пра́востию:// Благослови́те, вся дела́ Госпо́дня, Го́спода.
Песнь 9. О́браз чи́стаго [рождества́ Твоего́,/ огнепали́мая купина́ показа́ неопа́льная;/ ны́не на нас напа́стей свире́пеющую угаси́ти мо́лимся пещь,// да Тя, Богоро́дице, непреста́нно велича́ем.]
Ра́вное тече́ние сконча́вше,/ по́честей ра́вных сла́вы сподо́бистеся,/ на небесе́х пребыва́ете, ра́дующеся,/ со все́ми а́нгелы, всехва́льнии,// Госпо́дни страстоте́рпцы, о нас Того́ моля́ще.
Яко приноше́ния всесовеше́нная/ и же́ртвы свяще́нныя принесо́стеся/ Всецарю́ и Творцу́ всея́ тва́ри,/ и во стране́ живы́х водвори́стеся,/ Госпо́дни страстоте́рпцы,/ о нас Тому́ моля́щеся.
Вене́ц пра́вды от Бо́га прия́ша/ Ни́ка и Харие́сса, /Боже́ственный Леони́д, и Кали́са, и Васили́сса,/ Нунехи́я, Гали́на всечестна́я,/ вку́пе и Феодо́ра,// и ны́не во све́те невече́рнем жи́тельствуют.
Ны́не Бо́гу прибли́жившеся,/ и просвеше́ния неизрече́ннаго испо́лньшеся,/ усыновле́нием бо́зи всесла́вно бы́вше,/ вас на земли́ ублажа́ющыя,// Госпо́дни страстоте́рпцы, страсте́й но́щи изба́вите.
Но́сиши вся Нося́щаго,/ я́ко престо́л херуви́мский, Богоблагода́тная:/ Того́ у́бо, Чи́стая, я́ко Благоде́теля,/ моли́ на́ша презре́ти согреше́ния,// и живота́ сподо́бити благоче́стно Тя ублажа́ющыя.
[1] Источник: Σωφρόνιος (Εὐστρατιάδης), μητρ. Λεωνίδης ὅσιος ἀρχιεπίσκοπος ᾿Αθηνῶν κα Λεωνίδης μάρτυς ὁ ἐν Τροιζῆνι // Θεολογία. 1935. Τ. 13. Σ. 170-179.
Источник кондака и икоса: ΜΙΤΡΟΠΟΛΙΤΟΥ ΑΡΓΟΛΙΔΟ ΧΡΙΖΟΣΤΟΜΟΥ Β`.ΑΓΙΟΛΟΓΙΚΑΙ ΜΕΛΕΤΑΙ ΚΑΙ ΑΣΜΑΤΙΚΗ ΑΚΟΛΟΥΘΙΑ ΕΙΣ ΤΟΝ ΑΓΙΟΝ ΜΑΡΤΥΡΑ λΕΩΝΙΔΗΝ ΚΑΙ ΤΗΝ ΣΥΝΟΔΕΙΑΝ ΑΥΤΟΥ.
[2] Так в наших м-словах. Но встречается вар. «Каллида».
[3] Можно предположить, что окончания искажены, и следует читать не ἐκκλίνασαι и νείμασαι, а ἐκλίνασθε и νείμασθε. В противном случае, здесь речь идет об одних девах, что ничем в тексте не обусловлено. Во втором случае, «Законом повинующася Христовым», и т. д.
[4] Непонятно, почему такое окончание в слове χωρειται. Очевидно, следует читать χωρειε ( 2 л. наст. вр.)
[5] Ср. Пс 63:8.
[6] Игра слов. Нунехия - от νοῦν ἔχω -имею ум (смысл).
[7] Очевидно, тж. игра слов: Βασιλίσσα и βασιλεία - царство.
[8] Игра слов. Νίκη -победа.
[9] Игра слов. Γαλήνη -спокойствие, тишина, штиль.
[10] Игра слов. Καλλίς -κάλλος -добро́та (красота).
[11] Игра слов. Феодора - Θεοδώρα -Божий дар.
[12] Эпида́вр или Эпи́даврос (др.-греч. Ἐπίδαυρος, греч. Επίδαυρος) - древний город в Греции, расположенный на северо-востоке Пелопоннеса.
[13] Возможно, существует другое предание, говорящее о повешении на древе. Но в имеющемся на правосл. сайтах житии св. Леонида ничего не говорится о древе, и он принимает кончину, будучи брошен в море с камнем на шее, как и его сподвижницы.
[14] В греч. тексте ошибочно имя Ника здесь стоит с маленькой буквы, т. е. прочитано как «победа».
[15] Ξενόμενος. Очевидно, следует читать как ξεόμενος.