Канон святой блаженной Марфе Московской
Канон блаженной схимонахине Марфе составлен Евгением Владимировичем Храповицким. Публикуется по авторской машинописи, в связи с чем в тексте возможны ошибки и опечатки.
Канон святой матери нашей, блаженней схимонахине Марфе, глас 4
Песнь 1Ирмос: Яко по суху пешешествовав Израиль, по бездне гонителя фараона, видя потопляема, Богу победную песнь поим, вопияще.
Припев: Святая блаженная мати наша схимонахине Марфо, моли Бога о нас!
Просвети ми ум и озари чувства моя, согрешений, мрак души моея отгнав, Христе Боже, да чистою совестию возмогу песнь составити и возвеличити угодницу Твою, блаженную матерь нашу богомудрую Марфу.
Небесный Отец благоизволи тя прославити в Царстве славы со Ангелы и Святыми Своими, идеже во свете невечернем и присносущнем предстоши Ему, свято и праведно на земли поживши, подвигом юродства Христа прославила еси и ныне молишися о всех, чтущих святую память Твою.
Слава: Дивное и пресловно чудо явися на тебе, преподобная Марфо, ангельски бо на земли пожила еси, и, веру адамантову имея, победила еси немощь плотскую и прияла еси от Бога венец нетленный.
И ныне: Великому милосердию Агна Твоего причастники сотвори нас, Богородице, в день великого и славного Суда Его, егда второе на землю придет со славою страшную.
Песнь 3Ирмос: Несть свят, яко же Ты, Господи Боже мой, вознесый рог верных Твоих Блаже, и утвердивый нас на кашени исповедания Твоего.
Небесная возлюбивши, вся красная мира сего оставила еси, преподобная, и во обитель всельшися, неленостными трудами постничества Богу угодила еси, Его же моли спастися душам нашим.
Христа нас ради волею да зрака рабнего смирившегося возлюбила еси, блаженная, бдением и молитвами душевныя страсти умертвив, на гору безстрастия взошла еси, Марфо богомудрая.
Слава: Мрак житейский заблуждений и житейския гордости светлостию святых молитв, Марфо святая, прожени, да помощию твоею грехов остановление приимше, милость у Христа Бога обращем.
И ныне: Преблагословенная Богородице, многим скорби в земной жизни Твоей претерпевшая, помози нам крест земного жития в терпении, благодарении и радовании до конца понести.
СедаленЛюбит милость и истину Господь, и Ты, блаженная мати Марфо, подобися Тому, буди милостивая ходатница о спасении нашем, да тебе ради и мы, обретше благодать, не отпадем вечныя славы, яко память твою святую песньми ныне величаем.
Слава и ныне, Богородичен:Уневестившаяся Создателю Твоему, Дево Неневестная и Мати Избавителя нашегоХриста, моли Духа Святаго Господа вселитися в ны и присно в нас пребывати и скверну нашу очистити, яко много может молитва праведной матери, Марфы блаженной, еяже, яко Мати Милосердная, молитвы о нас приими.
Песнь 4Ирмос: Христос моя сила, Бог и Господь, честная Церковь Боголепно поет, взывающи, от смысла чисти о Господе празднующи.
Христолюбивую царицу Евдокию в вере и благочестии наставляла еси, Марфо святая, горячие молитвы о здравии и спасении ея возносила еси Вседержителю. Тем же молим Тя: молитвами Твоими и нас достойными наследниками Царствия Небеснаго соделай.
Подвиги твоя духовные под личиною юродства скрыла еси, Марфо богомудрая, и, аки крин небесный, процвела еси во граде Москве добродетели твоима: смиренномудрием, терпением скорбей и молитвами горячими, иже непрестанно Господеви возносила еси. Сия же боголюбящие добродетели испроси и нам, творящим ныне святую память Твою.
Слава: Подвиг твоих великих и славных ради прияла еси венец нетленный от Христа Спаса Нашего и ныне с преподобных и блаженных лики на небесех присно радуешися, поминай убо и нас, святая мати наша Марфо, да молитвами твоими сподобимся и мы улучити Небесного Царствия.
И ныне: Заступнице скорбящих, надеждо ненадеющихся, Богородице Всепетая, моли прилежно избавитися нам от бед и скорбей.
Песнь 5Ирмос: Божиим светом Твоим, Блаже, утренеющих ти души любовию озари, молюся, Тя ведети, Слове Божий, истиннаго Бога, от мрака греховного взывающа.
О, святая мати наша, преподобная Марфо, предстоящее престолу Божию, не нас, долу сущих: от всякия находящия на ны напасти сохрани, вся раздоры и брани умири, да прочее время живота нашего во всяком благочестии и чистоте поживем, твоими молитвами ограждаемы.
Исцеления подаеши всем, с верою к тебе притекающим, Марфо святая, тем же ныне молим Тя мы, грешнии: печаль нашу на радость преложи и от всякия напасти и скорби святыми твоими молитвы нас избави.
Слава: Во узах темничных и иных злостраданиях сущии отраду и вспоможение святыми и всесильными Твоема даруеши и к покаянию всех нас призываеши.
И ныне: К Тебе припадающе, Царице Небесная, и верою покланяющееся, славословим Тя: радуйся, Богоблаженная Дево, покрове и ограждение наше, Помощнице в бедах сущим, спаси ны, помощи не имущая, на Тебе бо упование возлагаем.
Песнь 6Ирмос: Житейское море воздвигаемы зря напастей бурею, к тихому пристанищу Твоему притек, вопию Ти: возведи от тии живот мой, Многомилостиве.
Разум, богопросвещенный стяжавии, Христу подражала еси, Марфо святая, егда дела благая творила еси в житии твоем и егда подвиг юродства Христа ради подъяла еси, и ныне душа твоя во благих водворяется, прияла бо еси от Бога нетленный венец.
Добродетелю преукрашенная и благодатию Божественную освященная, праведная мати наша Марфо, предстоиши во славе Небесней и молишися за ны, подаеши нам путей спасительныхразумение и недужныя силою Христовою исцеляеши и подвизаеши нас вся Творца Нашего благодати.
Слава: Родителей, чад не имущих и жен плодоносящих отрада и воспоможение еси, Марфо святая, поелику присно молитвы твоея возносиши Милосердному Спасителю Нашему.
И ныне: Мати Божия милосердная, милости Твоея двери отверзи нам, озари нас светом Божественныя благодати Твоея и от мысленных волков соблюди нас невредимых, в вере Христовой нерушимом сподобивши нас благоугождати Сыну Твоему и Богу и приятии от Него конец благий.
Кондак, глас 8:В мире сем благочестно и праведно поживше, молитвою, юродством и иными подвиги досточудными Богу угодила еси, сего ради и Господь во чудесех преславну тя показа, Его же, святая мати наша Марфо, моли сохранити обитель твою и всех людей, благочестно тя почитающих.
ИкосИмущи угоднице Христова свыше данную себе мудрость, яко драгую жемчужину в души своей Христа сохраняла еси, во всем Ему благоугождая. Мы же, ныне предстояще пред образом святым твоим, верою в предстательство твое укрепляемы и материнским попечением твоим окормляемы, со умилением зовем ти:
Радуйся, в помрачении страстей пребывающих просветительнице;
Радуйся, в суете и самозабвении жительствующих вразумительнице;
Радуйся, в недоумении и заблуждении сущих руководительнице;
Радуйся, добре жити начинающих управительнице;
Радуйся, малодушием и унынием колеблемых укрепительнице;
Радуйся, в небрежении спящих возбудительнице;
Радуйся, бодрости и трезвения предобрая учительнице;
Радуйся, чистаго и непорочнаго жития неусыпающая хранительнице;
Радуйся, всех ко спасению верная путеводительнице;
Радуйся, всех, благочестно жити хотящих мудрая наставнице;
Радуйся, блаженная мати наша, схимонахине Марфо, молитвеннице о душах наших!
Песнь 7Ирмос: Росодательную убо пещь содела Ангел преподобным отроком, халдеи же опаляющее веление Божие мучитися увеща вопити: благословен еси, Боже отец наших!
Евангельским словесам внемлюще, крест свой на рамена восприяла еси и Христу последовала еси, преподобная мати наша Марфо, непристанно Тому взывающее: благословен еси, Боже отец наших!
Вся искушения от мира, плоти и диавола находящия низложивши востекла еси, в чертоги Отца Нашего Небесного, богоблаженная Марфо, идеже предстательствуеши о нас, заступления Твоего просящих и подвизаеши купно с Тобою взывити: благословен еси, Боже отец наших!
Слава: Кадилу, елею и миру благоуханному молитвы твоя подобны, восходят бо оне ко престолу Вседержателя Бога и милость Его преклоняют к нам, сердца же наша умягчают и врачуют и подвизают взывати: благословен еси, Боже, Отец наших!
И ныне: Милостью Твоею весь мир обощаеши и души просвещаеши, Едена Всепетая, тем же воспеваем Ти: Христа, Бога Нашего Мати, благословенна еси.
Песнь 8Ирмос: Из пламене преподобным росу источи еси и праведного жертву водою попалил еси: вся бо твориши, Христе, токмо еже хотети. Тя превозносим во всея веки.
В законе Божием часто поучающися и в заповедях Божих безпорочно ходяще, дом Духа Святаго была еси, блаженная Марфо, тем же и по смерти твоея не отлучи тебе Господь от лика праведных, с ними же ныне Богу поеши: превозносимый во веки Боже, благословен еси!
Кротостию ко всем землю кротких наследовала еси, милосердием и любовию ко ближним помилование от Бога получила еси, чистотою и целомудрием Бога зрети сподобилась еси, Ему же ныне со всеми Святыми поеши: превозносимый отцев Боже, благословен еси!
Слава: Яко свеиду светлу уготовала еси кроткую душу Твою, преподобная мати Марфо, тем же по смерти Твоей многа исцеления недужным от винопития и иных болезней душевных и телесных подаеши всем с верою имя Твое призывающим и нелицемерно Творцу воспевающим: превозносимый отцев Боже, благословен еси!
И ныне: Господа моего и Бога родная, Мати Безневестная, дерзновение имущи к Нему, заступи и сохрани мя Твоим ходатайством, яко да воспою: превозносимый отцев Боже, благословен еси!
Песнь 9Ирмос: Бога человеком невозможно видети, на Него же не смеют чины Ангельския взирати, Тобою же, Всечистая, явися человеком Слово воплощено, Его же величающе, с Небесными вои Тя ублажаем.
Разум имела еси в души и смирение, и Божественную кротость, и веру несушненну, и любовь к Богу, всенощными мольбами приближающея Ему и тамо сущими светпостыми ублажаема, Марфо святая, озаряема и просвищаема.
Отошла еси в селения праведных и духом предстоиши Присносущному Свету; призри убо за ны, живущия в селениех многомятежного мира сего, и способствуй сущим во бранех, угодниче Христова, яко песньми тя величаем.
Слава: Моления за ны ко Владыце Христу не престай приносити, святая Марфо, яко мати чадолюбивая, вспомоществуя верным в подвиге спасения, яко сосуд благодати Божия избранный.
И ныне: Ты еси Ангелов радосте, ты еси праведников доброто, ты еси верных надеждо; ты еси соблюдение наше, ты еси мост к жизни нестареющий приводяй всех, верою и любовию Тя величающих.
Канон святой матери нашей, блаженней схимонахине Марфе, глас 4
Песнь 1Ирмос: Яко по суху пешешествовав Израиль, по бездне гонителя фараона, видя потопляема, Богу победную песнь поим, вопияще.
Припев: Святая блаженная мати наша схимонахине Марфо, моли Бога о нас!
Просвети ми ум и озари чувства моя, согрешений, мрак души моея отгнав, Христе Боже, да чистою совестию возмогу песнь составити и возвеличити угодницу Твою, блаженную матерь нашу богомудрую Марфу.
Небесный Отец благоизволи тя прославити в Царстве славы со Ангелы и Святыми Своими, идеже во свете невечернем и присносущнем предстоши Ему, свято и праведно на земли поживши, подвигом юродства Христа прославила еси и ныне молишися о всех, чтущих святую память Твою.
Слава: Дивное и пресловно чудо явися на тебе, преподобная Марфо, ангельски бо на земли пожила еси, и, веру адамантову имея, победила еси немощь плотскую и прияла еси от Бога венец нетленный.
И ныне: Великому милосердию Агна Твоего причастники сотвори нас, Богородице, в день великого и славного Суда Его, егда второе на землю придет со славою страшную.
Песнь 3Ирмос: Несть свят, яко же Ты, Господи Боже мой, вознесый рог верных Твоих Блаже, и утвердивый нас на кашени исповедания Твоего.
Небесная возлюбивши, вся красная мира сего оставила еси, преподобная, и во обитель всельшися, неленостными трудами постничества Богу угодила еси, Его же моли спастися душам нашим.
Христа нас ради волею да зрака рабнего смирившегося возлюбила еси, блаженная, бдением и молитвами душевныя страсти умертвив, на гору безстрастия взошла еси, Марфо богомудрая.
Слава: Мрак житейский заблуждений и житейския гордости светлостию святых молитв, Марфо святая, прожени, да помощию твоею грехов остановление приимше, милость у Христа Бога обращем.
И ныне: Преблагословенная Богородице, многим скорби в земной жизни Твоей претерпевшая, помози нам крест земного жития в терпении, благодарении и радовании до конца понести.
СедаленЛюбит милость и истину Господь, и Ты, блаженная мати Марфо, подобися Тому, буди милостивая ходатница о спасении нашем, да тебе ради и мы, обретше благодать, не отпадем вечныя славы, яко память твою святую песньми ныне величаем.
Слава и ныне, Богородичен:Уневестившаяся Создателю Твоему, Дево Неневестная и Мати Избавителя нашегоХриста, моли Духа Святаго Господа вселитися в ны и присно в нас пребывати и скверну нашу очистити, яко много может молитва праведной матери, Марфы блаженной, еяже, яко Мати Милосердная, молитвы о нас приими.
Песнь 4Ирмос: Христос моя сила, Бог и Господь, честная Церковь Боголепно поет, взывающи, от смысла чисти о Господе празднующи.
Христолюбивую царицу Евдокию в вере и благочестии наставляла еси, Марфо святая, горячие молитвы о здравии и спасении ея возносила еси Вседержителю. Тем же молим Тя: молитвами Твоими и нас достойными наследниками Царствия Небеснаго соделай.
Подвиги твоя духовные под личиною юродства скрыла еси, Марфо богомудрая, и, аки крин небесный, процвела еси во граде Москве добродетели твоима: смиренномудрием, терпением скорбей и молитвами горячими, иже непрестанно Господеви возносила еси. Сия же боголюбящие добродетели испроси и нам, творящим ныне святую память Твою.
Слава: Подвиг твоих великих и славных ради прияла еси венец нетленный от Христа Спаса Нашего и ныне с преподобных и блаженных лики на небесех присно радуешися, поминай убо и нас, святая мати наша Марфо, да молитвами твоими сподобимся и мы улучити Небесного Царствия.
И ныне: Заступнице скорбящих, надеждо ненадеющихся, Богородице Всепетая, моли прилежно избавитися нам от бед и скорбей.
Песнь 5Ирмос: Божиим светом Твоим, Блаже, утренеющих ти души любовию озари, молюся, Тя ведети, Слове Божий, истиннаго Бога, от мрака греховного взывающа.
О, святая мати наша, преподобная Марфо, предстоящее престолу Божию, не нас, долу сущих: от всякия находящия на ны напасти сохрани, вся раздоры и брани умири, да прочее время живота нашего во всяком благочестии и чистоте поживем, твоими молитвами ограждаемы.
Исцеления подаеши всем, с верою к тебе притекающим, Марфо святая, тем же ныне молим Тя мы, грешнии: печаль нашу на радость преложи и от всякия напасти и скорби святыми твоими молитвы нас избави.
Слава: Во узах темничных и иных злостраданиях сущии отраду и вспоможение святыми и всесильными Твоема даруеши и к покаянию всех нас призываеши.
И ныне: К Тебе припадающе, Царице Небесная, и верою покланяющееся, славословим Тя: радуйся, Богоблаженная Дево, покрове и ограждение наше, Помощнице в бедах сущим, спаси ны, помощи не имущая, на Тебе бо упование возлагаем.
Песнь 6Ирмос: Житейское море воздвигаемы зря напастей бурею, к тихому пристанищу Твоему притек, вопию Ти: возведи от тии живот мой, Многомилостиве.
Разум, богопросвещенный стяжавии, Христу подражала еси, Марфо святая, егда дела благая творила еси в житии твоем и егда подвиг юродства Христа ради подъяла еси, и ныне душа твоя во благих водворяется, прияла бо еси от Бога нетленный венец.
Добродетелю преукрашенная и благодатию Божественную освященная, праведная мати наша Марфо, предстоиши во славе Небесней и молишися за ны, подаеши нам путей спасительныхразумение и недужныя силою Христовою исцеляеши и подвизаеши нас вся Творца Нашего благодати.
Слава: Родителей, чад не имущих и жен плодоносящих отрада и воспоможение еси, Марфо святая, поелику присно молитвы твоея возносиши Милосердному Спасителю Нашему.
И ныне: Мати Божия милосердная, милости Твоея двери отверзи нам, озари нас светом Божественныя благодати Твоея и от мысленных волков соблюди нас невредимых, в вере Христовой нерушимом сподобивши нас благоугождати Сыну Твоему и Богу и приятии от Него конец благий.
Кондак, глас 8:В мире сем благочестно и праведно поживше, молитвою, юродством и иными подвиги досточудными Богу угодила еси, сего ради и Господь во чудесех преславну тя показа, Его же, святая мати наша Марфо, моли сохранити обитель твою и всех людей, благочестно тя почитающих.
ИкосИмущи угоднице Христова свыше данную себе мудрость, яко драгую жемчужину в души своей Христа сохраняла еси, во всем Ему благоугождая. Мы же, ныне предстояще пред образом святым твоим, верою в предстательство твое укрепляемы и материнским попечением твоим окормляемы, со умилением зовем ти:
Радуйся, в помрачении страстей пребывающих просветительнице;
Радуйся, в суете и самозабвении жительствующих вразумительнице;
Радуйся, в недоумении и заблуждении сущих руководительнице;
Радуйся, добре жити начинающих управительнице;
Радуйся, малодушием и унынием колеблемых укрепительнице;
Радуйся, в небрежении спящих возбудительнице;
Радуйся, бодрости и трезвения предобрая учительнице;
Радуйся, чистаго и непорочнаго жития неусыпающая хранительнице;
Радуйся, всех ко спасению верная путеводительнице;
Радуйся, всех, благочестно жити хотящих мудрая наставнице;
Радуйся, блаженная мати наша, схимонахине Марфо, молитвеннице о душах наших!
Песнь 7Ирмос: Росодательную убо пещь содела Ангел преподобным отроком, халдеи же опаляющее веление Божие мучитися увеща вопити: благословен еси, Боже отец наших!
Евангельским словесам внемлюще, крест свой на рамена восприяла еси и Христу последовала еси, преподобная мати наша Марфо, непристанно Тому взывающее: благословен еси, Боже отец наших!
Вся искушения от мира, плоти и диавола находящия низложивши востекла еси, в чертоги Отца Нашего Небесного, богоблаженная Марфо, идеже предстательствуеши о нас, заступления Твоего просящих и подвизаеши купно с Тобою взывити: благословен еси, Боже отец наших!
Слава: Кадилу, елею и миру благоуханному молитвы твоя подобны, восходят бо оне ко престолу Вседержателя Бога и милость Его преклоняют к нам, сердца же наша умягчают и врачуют и подвизают взывати: благословен еси, Боже, Отец наших!
И ныне: Милостью Твоею весь мир обощаеши и души просвещаеши, Едена Всепетая, тем же воспеваем Ти: Христа, Бога Нашего Мати, благословенна еси.
Песнь 8Ирмос: Из пламене преподобным росу источи еси и праведного жертву водою попалил еси: вся бо твориши, Христе, токмо еже хотети. Тя превозносим во всея веки.
В законе Божием часто поучающися и в заповедях Божих безпорочно ходяще, дом Духа Святаго была еси, блаженная Марфо, тем же и по смерти твоея не отлучи тебе Господь от лика праведных, с ними же ныне Богу поеши: превозносимый во веки Боже, благословен еси!
Кротостию ко всем землю кротких наследовала еси, милосердием и любовию ко ближним помилование от Бога получила еси, чистотою и целомудрием Бога зрети сподобилась еси, Ему же ныне со всеми Святыми поеши: превозносимый отцев Боже, благословен еси!
Слава: Яко свеиду светлу уготовала еси кроткую душу Твою, преподобная мати Марфо, тем же по смерти Твоей многа исцеления недужным от винопития и иных болезней душевных и телесных подаеши всем с верою имя Твое призывающим и нелицемерно Творцу воспевающим: превозносимый отцев Боже, благословен еси!
И ныне: Господа моего и Бога родная, Мати Безневестная, дерзновение имущи к Нему, заступи и сохрани мя Твоим ходатайством, яко да воспою: превозносимый отцев Боже, благословен еси!
Песнь 9Ирмос: Бога человеком невозможно видети, на Него же не смеют чины Ангельския взирати, Тобою же, Всечистая, явися человеком Слово воплощено, Его же величающе, с Небесными вои Тя ублажаем.
Разум имела еси в души и смирение, и Божественную кротость, и веру несушненну, и любовь к Богу, всенощными мольбами приближающея Ему и тамо сущими светпостыми ублажаема, Марфо святая, озаряема и просвищаема.
Отошла еси в селения праведных и духом предстоиши Присносущному Свету; призри убо за ны, живущия в селениех многомятежного мира сего, и способствуй сущим во бранех, угодниче Христова, яко песньми тя величаем.
Слава: Моления за ны ко Владыце Христу не престай приносити, святая Марфо, яко мати чадолюбивая, вспомоществуя верным в подвиге спасения, яко сосуд благодати Божия избранный.
И ныне: Ты еси Ангелов радосте, ты еси праведников доброто, ты еси верных надеждо; ты еси соблюдение наше, ты еси мост к жизни нестареющий приводяй всех, верою и любовию Тя величающих.