інстаграм

[veragodna]

Шаноўныя сябры, знаёмыя і проста чытачы майго блога

Comments

[liohkaja]

Мяне там няма, бо я ўпарта адмаўляюся ад смартфонаў :)
Некалі, відаць, прыдзецца пераходзіць, але пакуль што нават у падарожжах не спакушаюся набыць.

[veragodna]

Ды ў мяне таксама нармальны тэлефон з'явіўся толькі тры месяцы таму. І тое я паспела ўжо яго патапіць у тазіку :). Так што разумею. Але... я ў захапленні ад гэтага тэлефона. І чаму я раней не прыдумала, што мне ён патрэбны (гэта на ўсялякі выпадак) :).

[ofeliya666]

А я, прызнацца, спакусілася на ўгаворы купіць, калі пабачыла, што на смарце можна ставіць прылажэнне "зорнае неба"))) І цяпер я ў пустэлі заўжды ведаю, Юпіцер гэта так яскрава мне свеціць ці Марс)))

[veragodna]

Я пра такое прылажэнне не ведаю :))). Я ўвогуле спакусілася толькі з-за магчымасці мець нармальны мабільны інтэрнэт, які неабходны ў паездках.

[markiz_de_kiss]

Толькі без крыўдаў :)

[veragodna]

Ды якія крыўды, вы ж, сябры, мне ўжо як родныя :).

Сама доўга думала, навошта мне баян :). Урэшце вырашыла, што ёсць фота (кшталту майго першага паста ў інстаграм), якія для допісу жж драбнаватыя па маштабе свайго ўздзеяння (звычайна я збіраю 5-10 такіх фота, і толькі тады раблю допіс), а для фб ці інста - нармальна. Тое, што там не будзе мільёна сэлфі - гарантую :). Ну, можа, толькі пару тысяч :)).

[markiz_de_kiss]

Я, напэўна, стары душой :) Бо не разумею і не хачу разумець гэтую забаўку.

[veragodna]

Намякаеце, што я хачу прымаладзіцца? :)) Калі што, у аднакласніках я ніколі не была заўважаная :).

[markiz_de_kiss]

Я нават у фэйсбук не заходжу, бо тупое і пустое.
А інстаграм і падаўна - забаўка для падлеткаў, якія не вылазяць са смартфонаў.

[veragodna]

Ну, заходзіце, прызнавайцеся :). А тое з кім я там размаўляю? :)

Я буду першым карыстальнікам інстаграма, які 90% заходаў будзе ажыццяўляць з камп'ютара :)).

[markiz_de_kiss]

Так, учора заходзіў у фб. Адключыў усе паведамленні, якія ён дасылае на пошту, і выйшаў :)

Савет да любоў :) Але мяне ў інстаграмах не будзе.

[veragodna]

Дык я ж не кідаю жж. Гэта мая любоў і асноўная пляцоўка.

[pani_teklia]

Я завяла акаунт на інстаграме два гады таму у асноўным дзеля магчымасці хоць нейкім чынам размяшчаць здымкі ў жж у час адпачынку. Бо ў вёсцы якасць мабільнага інтэрнэту не вытрымлівала ніякай крытыкі і аб загруцы фота напрамую можна было толькі марыць. А праз інстаграм усё ж з горам напалам атрымлівалася. Праўда, летась нават так не выйшла, таму за ўвесь адпачынак у мяне ніводнага допісу са здымкамі. Як будзе гэтым разам, не ведаю. Інтэрнэт быццам бы зараз там крыху лепшы

[kiedy]

Каму якая справа да канцэпцыі? Я ўвогуле магу здымкі з тэлефона закінуць у комп, трошкі апрацаваць (кругі пад вачыма замазаць і ўсё такое :D), а потым кідаю назад на тэлефон і пошчу))))

[pani_teklia]

Вось, аказваецца, не толькі я так вычвараюся :) У мяне на гэта не хапае цярпення, шчыра кажучы. Бывае, месяцамі неразабраныя здымкі з фоціка ляжаць, а не тое, каб з кампом і тэлефонам туды-сюды валэндацца :)

[kiedy]

Я збольшага адразу бамблю ўсю туды, але часам хочацца падправіць. Асабліва апошнім часам, калі гэта віленскія сэлфікі зблізу))

[yozas_gubka]

вітанкі! у мяне за паўгады неяк атрымаўся корчэстаграм з больш чым 1,1k падпішчыкаў, але фоткі ў асноўным з фоціка пошчу, бо на мабільным вельмі дрэнная камера:(
https://www.instagram.com/yozas_gubka/

[veragodna]

Я Вас сама знайшла :). І фармат для мяне не быў нечаканым.

[yozas_gubka]

пошук па сябрах у ФБ там ня дрэнна працуе)

[veragodna]

Не паверыце, шукала сяброў уручную праз спісы ўжо зафрэнджаных :). Я ж не такая прасунутая.