Мой аўтар - здраднік і хлус. А яшчэ баязлівец. Ён прыдумаў мяне, аповесць пра каханне, ды так і не наважыўся мяне пачаць. А ўва мне ўсё было так прыгожа і ідэальна! Я растапырыла кішэні для соцень чароўных эпітэтаў і параўнанняў, кожнае слова мусіла кранаць як пяшчотны пацалунак! Нават назваць ён хацеў мяне - "Ева", як першае сваё няўдалае каханне ( Read more... )

(працяг цыклу Праспект Непазбежнасці)
Была ты плошчай Героя,
Чатыры дні і тры ночы.
Сэрцы людзей палалі
На Палымянай Плошчы.
Потым прыйшлі дажджы
Згаслі і плошча, і людзі
Але маё сэрца дыміць
Працяг будзе
04.09.2015

Высока-высока, дзе ўжо не хапае паветра,
Дзе болем і стомай аплочваецца кожны крок,
Сустрэча з сябрамі - нібы кіслароду глыток,
Нібыта ў пустэльні павеў прахалоднага ветру.
30.08.15

Мой цягнік паехаў не ў той бок
Я сыйшоў. Стаю на раздарожжы.
Выратуй мяне, магутны Божа,
Падкажы, куды зрабіць мне крок.
Я слабы, без крылаў і без ног,
Але я пайду, мне дапаможа
Вера ў тое, што магутны кожны,
У каго жыве у сэрцы Бог.
29.08.15

Я вярнуўся ў мінулае, каб папярэдзіць сусветную вайну. Сёння, 13 жніўня 2015 году, а 21-ай гадзіне я павінны быў перашкодзіць сабе самому ахвяраваць жабраку пяць тысяч, якіх яму не хапала на бутэльку віна. Ён вып'е віно і разаб'е бутэльку аб галаву міліцыянта. У аддзяленні ён справакуе бунт, які ў выніку перарасце ў грамадзянскую вайну, якая ў сваю ( Read more... )

Ніхто цябе не чакае ўвечары
І можна рабіць усё, што ахвота
Як гэта назваць, падкажыце, дасведчаныя,
Свабода альбо адзінота?
/пераклад верша Марлен Дытрых
05/07/2015

Я расплюшчыла адно вока, потым другое і агледзела пакой. Хата свая, гэта ўжо добра. Мятла ля дзвярэй, значыць, дабралася да дому сама... Але што ж было ўчора?
Ногі баляць. Ох і натаньчыліся ўчора з сяброўкамі... А які прыгажун быў той Лешы - ух! Знік толькі некуды. Ну і чорт з ім.
Галава баліць. Ну яно зразумела. Нехта прынёс узвар уласнага ( Read more... )

Першае правіла выхавання дзяцей - рабіць выгляд, што ты кантралюеш сітуацыю і ведаеш, як працуе гэты свет. Свет выхавацелькі дзіцячага садка №33 імкліва каціўся ўніз. Спачатку яна з хвіліну пахлюпала носам, а потым пусцілася ва ўсе цяжкія - лягла на падлогу і заплакала. Здзіўленыя дзеці ўтварылі наўкол круг і моўчкі ўтаропіліся на яе. На яе, ідэал ( Read more... )

У адной краіне вельмі не любілі паэтаў. У сталіцы была адмысловая сцяна, да якой прыводзілі паэтаў і расстрэльвалі. Яе называлі сцяной паэтаў, хоць з часам ля яе пачалі расстрэльваць і іншых нечым незадаволеных людзей.
Перад смерцю кожнаму дазвалялася пакінуць на сцяне свой верш. Сцяна была ўжо спісаная ў шмат слаёў, а паэты ў краіне ўсё не ( Read more... )

Людзі як дранікі. Усе ўжо прыгатаваныя. Ты альбо смачны, альбо не. Пададуць цябе ў парцалянавай талерцы ці ў пластыкавай - смачней не станеш.Твой смак залежыць адно ад таго, з якой бульбы ты зроблены. І неабавязкова галандская азначае добрая. Галандская таксама можа аказацца падгнілай.
Не гарантуе якасці і высокі кошт. Хтосьці завышае яго ўтрая, ( Read more... )