***

[volka_z_bolkava]

Люты сышоў.
Пакінуў канчатак
“ты”,
на рыпучай паперы
і скуры -
вятроў сляды
і нешта ўнутры,
што дзярэ
да спазму ў гартані.
Словы ўмерзлі ў ільды.
У глыбі маёй вады -
рыба б’ецца
аб рэбры
ў нераце нематы.
Дрэў галіны
нібы
ў іншы сусвет масты,
пад якімі
замерла
і не сплывае
каханне.

Comments

[heana_costre]

Оох, як сумна

[volka_z_bolkava]

Чаму?) яно ж не сплывае)

[markiz_de_kiss]

Cышоў лютЫ,
Крычаць катЫ.
І зноўку тЫ
Вярзеш лухтЫ.
Паліў мастЫ,
Трымаў пастЫ
Да нематЫ,
Да хрыпатЫ.
Ды не святЫ
Пакутнік тЫ

[wildkot]

Люты ўсё яшчэ змагаецца, мне здаецца.