Мае апошнія артыкулы пра Горадню і Слуцак

[wouk]

У апошнім нумары БГЧ быў надрукаваны мой артыкул аб Старым замку ў Горадні. Гіпотэза, якую я ўжо даўнавата выклаў у сваім ЖЖ, цяпер набыла навуковападобны выгляд. Усе магчымыя крыніцы, аргументы і думкі былі зьмешчаны ў йм. У інэце пакуль у якасьці рэкламы павесіў невялікі фрагмент артыкула.

Волкаў, М. Архітэктура Старога замка часоў Вітаўта ў

Comments

[pawet]

чакаем.

[supron_licvin]

Вельмі-вельмі цікавы артыкул! Дзякуй. За Ніжні замак асобна дзякуй. Шчыра кажучы, так яго і ўяўляў. Вось толькі не разумею, калі быў пабудаваны каралеўскі палац на Ніжнім замку, што адлюстраваны на гравюры Цюндта.. Але гэта пазнейшая пабудова, яна з іншай парафіі ))...

Не пераканала мяне думка, што летапісны стоўп знаходзіўся на Ніжнім замку, хоць на гэта ўказваюць ускосныя факты. Я больш схільны, што стоўп - гэта круглая вежа з гравюры. Па-першае, яна неяк не ўпісваецца ў адзіную канцэпцыю замка. Па-другое, больш правільным з эстэтычнага падыходу было б зрабіць іншую вежу круглай, так як гэта ў Троках. Гэта маё меркаванне

[wouk]

Вялікі дзякуй за добрае слова! Пра Ніжні замак, яго ролю і архітэктуру як рэзідэнцыі каралеўскай у 16 ст. - гэта, канечне, асобная, вельмі цікавая тэма.

Наконт слупа, дык я там хіба толькі абазначыў існаваньне дыскусіі і выбраў нейкі бок. Якіх-кольвек крыніц, каб прасунуцца ў гэтым пытаньні далей няма. Пакуль. Вялікая надзея на археалогію! Магчыма гэта і быў гэтая вежа, што бачная ў Цюнта. Але ж і яе не знайшлі. Карацей загадак яшчэ процьма:)

[supron_licvin]

для таго, каб знайсцi падмуркi якiх-небудзь канструкцый, не абавязкова капаць. каб хто толькi пазычыу адзiн прыбор. па тв History яго часта прымяняюць пры здымачных працах. прынцып лакатара. напэуна, у нашай краiне нiхто яшчэ не набыу. вось каб хаця акадэмiя навук такi набыла... рэч вартая

[supron_licvin]

наконт маста драўлянага разважаю. немцы ў першую сусветную вось якія будавалі

[wouk]

Добры прыклад! Але ёсьць адно істотнае "але". Тутака - часовы мост, а там быў мост пастаянны. Праблема, як яго ў добрым стане доўгі час маглі падтрымліваць.

[supron_licvin]

у гароднi мог быць толькi з дубу мост. а такi сотню гадоу прастаiць без асаблiвага нагляду