У першым класе на дошцы трэба разбіраць па складах не "ма-ла-ко" ці "са-ба-ка", а "дэ-за-да-рант".

Начаваў у гасцях. Па галаве перыядычна хадзіў кот. Спачатку падалося, што гэта нейкае непаразуменне. Але ўжо на другі раз стала відавочным, што ляжу на важных шляхах і нехта прынцыпова не хоча змяняць пратаптаныя гадамі маршруты. Змірыўся. Трэба сказаць, у адрозненне ад людзей, каты хоць і літаральна, але ходзяць па галавах даволі далікатна.

Па шляху на загарадную вечарынку завітаў у "дачны кааператыў", дзе калісьці правёў добрую частку свайго дзяцінства. Месяцамі мог там знаходзіцца і пры гэтым атрымліваць неверагоднае задавальненне ад тусовак з тамтэйшымі сябрамі. Калі ж лецішча неўзабаве прадалі, здавалася ад мяне адрываюць кавалак жыцця, цяжка перанес я гэтае развітанне. І вось ( Read more... )

( Read more... )

У галівудскіх фільмах ёсць вельмі распаўсюджаны сюжэт. Дзяўчына вяртаецца дахаты і бачыць свайго бойфрэнда у занятках акрабатыкай на ложку з іншай прыгажуняй. Яна ў шоку выдае дзікі енк альбо проста пачынае гістэрычна пакаваць рэчы. І ў якасці апраўдання чуе: "Дарагая, гэта зусім не тое аб чым ты падумала!" 10 балаў! Цікава, ці ўжываецца гэтая ( Read more... )

З кожным новым знаёмствам цяжка пазбавіцца адчування, быццам ведаеш гэтага чалавека ўсё жыццё. Такое ўражанне, што я ўжо знаёмы з усімі людзьмі на свеце. Засталося толькі разабрацца добра гэта ці кепска.

Колькасць раварыстаў на вуліцах наводзіць на думку, што хутка я буду жыць у Амстэрдаме. Не самая кепская перспектыва. Вось толькі якая сіла прымусіць дастаць з гаража свой двухколавы транспарт. Я ехаў бы і маладыя вятры шумелі ў маіх вушах... А пакуль у сваё задавальненне хаджу на даўгія дыстанцыі. Выходзіш з пункта А і пакуль дашпацыруеш да пункта ( Read more... )

Прастуда? Сымптомы бранхіта? Ліпавая гарбата, мёд і можа асьпірыну для паўнаты карціны. Каб і душэўныя болі можна было патушыць гарбатай зь мёдам, я быў бы ня супраць.

Адно з самых цікавых дэ жа вю ў маім жыцьці - жанчына гандлярка газэтамі, есьць чыпсы ў пераходзе. На імгненьне акунуўся ў містычны сюр.

Здымак трэба было зрабіць і якраз ля фотамайстэрні праходзіў. Асабліва прыцягвала ўвагу шыльда "Імгненнае фота". 
Падыходжу да касы, фармулюю.
- Сфатаграфавацца хачу, але каб здымак адразу атрымаць.
Дзяўчына шматзначна шморгаючы носам.
- Адразу ня робім.
Далікатна шморгаю ў адказ.
- Добра, а калі?
- Ну, хвіліны праз тры.
Так і паразмаўлялі.